កូនប្រុស David Beckham និង ភរិយា អបអរខួបស្នេហ៍ ជាមួយគ្នា យ៉ាងផ្អែមល្ហែម

កម្សាន្ត៖ កូនប្រុសច្បងនៃគ្រួសារ អតីតកីឡាករបាល់ទាត់ លោក David Beckham គឺ Brooklyn និង ភរិយា Nicola Peltz បានបង្ហោះរូបថតអាពាហ៍ពិពាហ៍ និងអំណោយសម្រាប់គ្នាទៅវិញទៅមក ក្នុងខួបអាពាហ៍ពិពាហ៍លើកទី ៣ របស់ពួកគេ។

Brooklyn Beckham បានសរសេរនៅក្នុងការបង្ហោះថា «រីករាយខួបលើកទី ៣ នៃក្តីស្រឡាញ់របស់ខ្ញុំ។ ខ្ញុំស្រលាញ់អ្នកអស់ពីចិត្ត។ ខ្ញុំមានសំណាងណាស់ ដែលបាននៅជាមួយអ្នករាល់ថ្ងៃ ក្រោកពី គេងរាល់ព្រឹកហើយឃើញមុខដ៏ស្រស់ស្អាតរបស់អ្នក។ អ្នកគឺជាពិភពលោករបស់ខ្ញុំ ស្រឡាញ់អ្នកខ្លាំងណាស់ Nicola»។ ខណៈ Nicola Peltz ក៏បានបង្ហោះរូបថតចំនួន ៣ ពីថ្ងៃរៀបការរបស់នាង កាលពី ៣ ឆ្នាំមុន ដែលរូបថតមួយសន្លឹក ត្រូវនឹងការបង្ហោះរបស់ស្វាមីនាង។

ជាមួយនឹងការបង្ហាញបែបនេះ គូស្វាមីភរិយា វ័យក្មេងមួយគូនេះ បានទទួលការអបអរសាទរជាច្រើននៅលើទំព័រផ្ទាល់ខ្លួនរបស់ពួកគេ។

គួររំឮកផងដែរថា Brooklyn Beckham និង Nicola Peltz បានរៀបការនៅថ្ងៃទី ៩ ខែមេសាឆ្នាំ ២០២២ នៅវីឡាមាត់សមុទ្ររបស់ Nicola នៅ Palm Beach រដ្ឋ Florida ។ ពិធីមង្គលការនេះ បានប្រព្រឹត្តទៅរយៈពេល ៣ ថ្ងៃ ដោយចាប់ផ្តើមពីអាហារពេលល្ងាច នៅថ្ងៃទី ៨ ខែមេសា ឆ្នាំ ២០២២។ បន្ទាប់ពី ពិធីមង្គលការដ៏សំខាន់បានធ្វើឡើងនៅថ្ងៃបន្ទាប់ កូនក្រមុំ និងកូនកំលោះ បានរៀបចំពិធីជប់លៀងដើម្បីអញ្ជើញភ្ញៀវនៅថ្ងៃទី ១០ ខែមេសា ឆ្នាំ ២០២២ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖