Ronaldo និង គូស្នេហ៍ ចេញមកកម្សាន្ត ជាមួយគ្នា យ៉ាងផ្អែមល្ហែម

កម្សាន្ត៖ កីឡាករបាល់ទាត់ លោក Cristiano Ronaldo និង គូស្នេហ៍ Georgina Rodriguez និង កូនៗទាំង ៥ នាក់ បានចេញមកម្សាន្តវិស្សមកាល នៅលើទូកកាណូត តម្លៃរាប់លានដុល្លារ នៅទីក្រុង Mallorca ប្រទេសអេស្ប៉ាញ ចំពេល កំពុងតែមានការរិះគន់ចំពោះការមិនទៅលេងមិត្តរួមក្រុម Diogo Jota ។

នៅលើទំព័រផ្ទាល់ខ្លួន របស់ Georgina Rodriguez បានបង្ហោះរូបថតនិងវីដេអូជាច្រើន នៃការហាលថ្ងៃ ក្រោមពន្លឺព្រះអាទិត្យ និងសម្រាកកម្សាន្ត នៅលើទូកឯកជន របស់ Cristiano Ronaldo ។ តារា​មួយ​គូ​នេះ​ មាន​កាយវិការ​ស្និទ្ធស្នាល​ជា​ច្រើន ​ពោរពេញដោយ​ភាពរីករាយ​ ក្នុង​ការ​ពិសា​អាហារ​ពេល​ល្ងាច។

មិនត្រឹមតែប៉ុណ្ណោះ តារា​រូប​នេះ​បាន​ឆ្លៀត​ឱកាស​ហាត់​ប្រាណ និង​ពង្រឹង​កំភួន​ជើង។ ជាមួយគ្នានេះដែរ Ronaldo Jr ដែលជាកូនច្បងរបស់កំពូលតារាព័រទុយហ្គាល់រូបនេះ មានការរំភើបចិត្តនឹងគ្រប់គ្រងទូក នៅលើសមុទ្រ។

យោងតាម ប្រភព Marca បានឲ្យដឹងថា អ្នកនេសាទ និងអ្នកទេសចរជាច្រើន បានរីករាយ ពេលដែលបានឃើញ Ronaldo ហែលទឹក និងលេងជាមួយកូនៗរបស់ខ្លួន នៅពេលថ្ងៃលិច។ មនុស្សជាច្រើន បានថតរូប និងវីដេអូរបស់ក្រុមគ្រួសារតារារូបនេះ៕

ប្រភព៖ Ngoisao.net

សូមទស្សនារូបភាពខាងក្រោម៖