បើបានឃើញរូបថតរបស់តារាប្រុសជើងចាស់ Ken Theeradeth កាលពីឆ្នាំ១៩៩៨ បានដឹងថាហួសចិត្តយ៉ាងណា

ថៃ៖ តារាសម្ដែងប្រុសជើងចាស់ដ៏មានឈ្មោះល្បីល្បាញខ្លាំងក្នុងវិស័យភាពយន្តថៃ លោក Ken Theeradeth បានចូលប្រឡូកក្នុងវិស័យនេះចាប់តាំងពីឆ្នាំ១៩៩៨មក ហើយទស្សនិកជនភាគច្រើនប្រហែលជាធ្លាប់បានស្គាល់តារាប្រុសរូបនេះតាមរយៈរឿងភាគល្បីៗជាច្រើន ដូចជា រឿងរូបមន្តស្នេហ៍ ទឹកឃ្មុំមច្ចុរាជ ឋានសួគ៌លម្អៀង ស្រឡាញ់អូនដល់ជើងមេឃ និងរឿងភាគល្បីជាច្រើនទៀត។ ក្រៅពីនេះ លោក Ken បានរៀបអាពាហ៍ពិពាហ៍ជាមួយតារាស្រីជើងចាស់ Noi Busakorn ដោយទទួលបានចំណងដៃកូនប្រុសពីរនាក់ បង្កើតបាននូវគ្រួសារដ៏មានសុភមង្គលមួយ។

អ្វីដែលគួរឲ្យហួសចិត្តនោះ លោក Ken Theeradeth បានបង្ហោះរូបថតស៊ែលហ្វីរបស់ខ្លួនតាំងពីឆ្នាំ ១៩៩៨ លើគណនី Instagram ផ្ទាល់ខ្លួន ហើយបើប្រៀបធៀបមើលរូបភាពនេះ និងរូបថតរបស់លោកក្នុងពេលបច្ចុប្បន្ន ឃើញថាមិនសូវខុសប្លែកគ្នាប៉ុន្មានទេ ពោលគឺតាំងពី១៩៩៨ មកដល់ឆ្នាំ២០២០ នេះ លោក Ken Theeradeth នៅតែមុខក្មេង ហើយសង្ហាមិនប្រែប្រួលដដែល។

មិនត្រឹមតែប៉ុណ្ណោះ មិត្តរួមសិល្បៈ និងអ្នកគាំទ្រជាច្រើនបានចូល comment បញ្ចេញមតិលើរូបនោះ សរសើរពីភាពសង្ហាមិនចេះប្រែប្រួលរបស់តារារៀមច្បងរូបនេះ បើទោះបីជាលោកឈានដល់វ័យ ៤២ឆ្នាំទៅហើយក្តី៕