ពិតមែនឬ Zhao Liying និងស្វាមី លែងលះគ្នា ដោយសារតែរឿងមិនគួរឲ្យជឿបែបនេះ?

ចិន៖ ដូចដែលប្រិយមិត្ត បានជ្រាបរួចមកហើយថា តារាស្រីជនជាតិដ៏ល្បី Zhao Liying និងតារាប្រុស លោក Feng Shaofeng បានសម្រេចចិត្តរៀបការនឹងគ្នា យ៉ាងរីករាយ​ និងមានសុភមង្គលជាទីបំផុត កាលពីចុងឆ្នាំ ២០១៨ ផងដែរ។ តែមួយរយៈចុងក្រោយមកនេះ ហាក់មានពាក្យចចាមអារ៉ាមជាច្រើន បាននិយាយថា ទំនាក់ទំនងស្នេហាអ្នកទាំងពីរ កំពុងតែឈានដល់ការ លែងលះគ្នា ទៀតផង។

ម៉្យាងវិញទៀត មុនពេលដែល កូនប្រុសរបស់ អ្នកទាំងពីរកើតមក ប្តីប្រពន្ធមួយគូនេះ ធ្លាប់មានភាពប្រេះស្រាំ នៅពេលដែលមានពាក្យចចាមអារ៉ាមថា ប្រភេទឈាមរបស់កូនប្រុស គឺខុសគ្នាទាំងស្រុង ពីប្រភេទឈាមរបស់ Feng Shaofeng ។ តែបន្ទាប់ពីនោះ តារាសម្តែងប្រុសរូបនេះ នៅតែបង្ហាញសេចក្តីស្រឡាញ់របស់គាត់ ចំពោះភរិយា និងកូនជានិច្ច ព្រមទាំងបង្ហាញទៀតថា អាពាហ៍ពិពាហ៍របស់អ្នកទាំង គឺមិនមានបញ្ហាអ្វីនោះទេ។

តែថ្មីៗនេះ យោងតាមទំព័រ Sohu បានបង្ហើបព័ត៌មានថា Zhao Liying និងស្វាមី បានលែងលះគ្នា ដែលបច្ចុប្បន្ននេះ កំពុងស្ថិតក្នុងការបែងចែកទ្រព្យសម្បត្តិ តែទោះជាយ៉ាងណា រហូតមកទល់នឹងពេលនេះ អ្នកទាំងពីរ មិនទាន់បានចេញមុខបកស្រាយពី បញ្ហានេះនៅឡើយនោះទេ​។ ម៉្យាងវិញទៀត ថែមទាំងនៅមានព័ត៌មានមួយ ដែលធ្វើឲ្យមានពាក្យចចាមអារ៉ាមកាន់តែខ្លាំង ឡើងនោះគឺ ដោយសារតែ Zhao Liying បាននាំកូនប្រុសរបស់នាង ចាកចេញ ទៅជួលបន្ទប់ឯកជន ផងដែរ​ ៕

សូមទស្សនារូបភាពខាងក្រោម៖