ពិតជា​ស្រស់​ស្អាត​ណាស់​! បើទោះ​ ហ៊ិន ច័ន្ទនីរ័ត្ន ស្លៀក​ពាក់​សាមញ្ញ​ៗ​ និង​សុភាព​បែបនេះ

ភ្នំពេញ៖ តារាស្រីមានប្រជាប្រិយភាពខ្ពស់ ហ៊ិន ច័ន្ទនីរត័្ន ជាពិធីការនី និងជាតារាសម្តែងស្រីមួយរូប ដែលជាប់ឈ្មោះ​ខាង​សម្រស់ស្អាតពីធម្មជាតិ សម្លេងក្រអួនក្រអៅ និងជាតារាស្រីដែលមានកាយវិការទន់ភ្លន់ផងដែរ។

តួយ៉ាង ហ៊ិន​ ច័ន្ទនីរ័ត្ន មិនត្រឹមតែមានរូបសម្ជស្សស្រស់ស្អាតនោះទេ នាងថែមទាំងមានទេពកោសល្យសិល្បៈ​ពេញខ្លួន​ថែមទៀតផង ទើបធ្វើឲ្យនាងទទួលបានប្រជាប្រិយភាព និងការគាំទ្រពីសំណាក់មហាជន​គ្រប់ទិសទីរហូតមក​ដល់​ពេល​បច្ចុប្បន្ន។  

យ៉ាងណាមិញ បើទោះឆ្នាំនេះ ហ៊ិន ច័ន្ទនីរ័ត្ន មានវ័យ ៣០ ឆ្នាំក៏ពិតមែន តែចំពោះរូបសម្រស់នៅតែមានភាពស្រស់​ស្អាត និងក្មេងជាងវ័យដដែល ទើបធ្វើឲ្យកម្លោះៗលង់ស្រលាញ់នឹងសម្រស់នាងស្ទើរតែគ្រប់ៗគ្នា។

ជាងនេះទៅទៀត បច្ចុប្បន្ននេះនាងកាន់តែទទួលប្រជាប្រិយភាព និងការចាប់អារម្មណ៍យ៉ាងខ្លាំងនៅតាមបណ្តាសង្គម Facebook និង​ Instagram ដោយសារនាងតែងតែបង្ហោះរូបភាពស្អាតៗមិនថាពេលទៅចូលរួមកម្មវិធី ឬពេលដើរ​លេង​កម្សាន្តនោះទេជាមួយនឹងការតុបតែងខ្លួនមានទាំងស៊ិចស៊ី មានទាំងសុភាពរាបសា ប៉ុន្តែបែបស៊ីវិល័យ និងទាន់​សម័យ។

ជាក់ស្តែងកាលពីម្សិលមិញនេះ ហ៊ិន ច័ន្ទនីរ័ត្ន ក៏បានបង្ហោះរូបជាច្រើនសន្លឹកនៅលើគណនី Instagram ផ្ទាល់​របស់​នាងជាមួយនឹងការរតុបតែងខ្លួនបែបសុភាពក្នុងឈុតសម្លៀកបំពាក់អាវយឺតដៃវែងពណ៌ស និងខោខាប៊ូយជើងវែង​ ដែល​មើលទៅមានភាពសាមញ្ញៗ ប៉ុន្តែមិននឹកស្មានថារូបទាំងនោះអាចឆក់យកបេះដូងអ្នកគាំទ្រ ពិសេសគឺបុរសៗ​ចំហរ​មាត់មើលសឹងតែមិនរំលង៕

ចង់ជ្រាបច្បាស់ សូមទស្សនារូបភាពខាងក្រោមនេះ ៖