Cool ម្ល៉េះ! Taew ប្ដូរម៉ូតសក់ថ្មីបែបនេះ ឡើងទាក់ទាញ

ថៃ៖ តារាសម្ដែងស្រីលំដាប់ជួរមុខ Taew Nataponh ជាតារាស្រីមួយរូប ដែលមហាជនភាគច្រើនបានស្គាល់នាង ជាយូរមកហើយ តាមរយៈខ្សែភាពយន្តល្បីៗនាពេលកន្លងមក ក្នុងនោះសន្ទុះនៃការគាំទ្ររបស់នាង ពិតជាមានប្រជាប្រិយភាពខ្លាំងណាស់។

ដោយឡែក បើងាកមកចាប់អារម្មណ៍លើរូបសម្រស់របស់នាង យើងឃើញថា ជារឿយៗ គ្រប់ពេលដែលតារាស្រីរូបនេះ បង្ហាញខ្លួននៅតាមបណ្ដាញសង្គមម្ដងៗ គេតែងតែឃើញនាង មានស្ទាយ៍នៃការតុបតែងខ្លួន ថ្មីៗប្លែកៗរហូតពីមួយថ្ងៃទៅមួយថ្ងៃ មិនឲ្យច្រំដែលនោះឡើយ។

ជាក់ស្ដែង មុននេះបន្តិច Taew ទើបតែបានបង្ហោះរូបថតរបស់ខ្លួន នៅលើគណនី អ៊ីនស្តារក្រាម ដែលធ្វើឲ្យអ្នកគាំទ្រភ្ញាក់ផ្អើលមិនតិចនោះទេ ពេលដែលបានឃើញ នាងបានផ្លាស់ប្ដូរស្ទាយ៍មួយបែបផ្សេងទៀត ជាមួយនឹងការកាត់ម៉ូតសក់ខ្លីត្រឹម.ក ហើយថែមទាំងប្ដូរពណ៌សក់ថ្មី ថែមទៀតផង ដែលការប្ដូរការតែងខ្លួនថ្មីបែបនេះ Taew ពិតជាប្លែក ជាងមុនខ្លាំងណាស់ មើលទៅឡើងទាន់សម័យតែម្ដង។

យ៉ាងណាក៏ដោយ តាមរយៈរូបភាពដែលតារាស្រីរូបនេះ បានបង្ហោះនៅលើបណ្ដាញសង្គម ពិតណាស់ បណ្ដាអ្នកគាំទ្រជាច្រើន ពិតជាពេញចិត្តខ្លាំង និងបាន ចែករំលែកភ្ជាប់ជាមួយពាក្យសរសើរគ្រប់គ្នាផងដែរ៕

ទស្សនារូបភាពខាងក្រោម៖