ស្អាតអីតែនៅទីក្រុង Phet Thakrit មកប្រើជីវិតសាមញ្ញ បង្អួតរាងសង្ហា ជាមួយធម្មជាតិនៅស្រុកស្រែវិញ

ថៃ៖ តារាសម្ដែងប្រុសដ៏ល្បី ប្រចាំប្រទេសថៃ លោក Phet Thakrit ដែលទស្សនិកជនភាគច្រើន បានស្គាល់តាមរយៈរឿងភាគល្បីៗជាច្រើន តែងគ្រងបានតំណែងជាតួឯកជាញឹកញយ ដោយសារតែ លោកមានរូបសម្បត្តិស្រស់សង្ហា និងមានមន្តស្នេហ៍ខ្លាំងផងដែរ។

ទន្ទឹមនឹងនេះ នាពេលកន្លងមក លោកតែងតែបង្ហាញភាពស្រស់ស្អាត និងភាពស៊ីវីល័យ របស់លោកតាមរយៈបណ្ដាញសង្គមនានា ជាមួយនឹងការតុបតែងខ្លួនហាយសូ មិនធម្មតាឲ្យហ្វេនៗលង់មិនស្ទើរ។

ដោយឡែក ថ្មីៗនេះ តារាប្រុសរូបនេះ បានប្ដូរបរិយាកាស ទៅលំហែនៅឯជនបទ ក្នុងខេត្តឈុនបុរី ដោយបានធ្វើខ្លួនយ៉ាងសាមញ្ញ តែនៅតែសង្ហាដដែល និងបានថតរូប នៅក្នុងចម្ការ ជាច្រើនសន្លឹកបង្ហោះនៅលើគណនី Instagram ផ្ទាល់ខ្លួន ដែលមានបរិយាកាស ស្រស់ស្រាយខ្លាំង ព្រមទាំងអមសុទ្ធតែបន្លែធម្មជាតិ ពិសេសផ្លែឈើជាច្រើនមុខផងដែរ ដែលរូបភាពទាំងនោះ ហ្វេនៗឃើញហើយតែងលាន់មាត់ថា លោកថតរូបនៅកន្លែងនោះ ពិតជាស្អាត និងគួរឲ្យចង់រស់នៅខ្លាំងមែនទែន៕

ចង់ជ្រាបច្បាស់ទស្សនារូបភាពខាងក្រោម៖