ប្តូរគ្នាពេក! ចាន់ សំអាត រងរបួសដៃក្រោយផ្តួលសិស្សប្អូន អេលីត សាន់ ត្រឹមទឹក៤ (មានវីដេអូ)

ភ្នំពេញ៖ ខ្លាចាស់ភ្នំដងរែក ចាន់ សំអាន ត្រូវបានរងរបួសប្រអប់ដៃស្តាំ ក្រោយធ្វើឲ្យសិស្សប្អូនឆ្លងមិនផុតពីទឹកទី៤ នៅឯសង្វៀនស៊ីប៊ីអេស កាលពីព្រឹកមិញនេះ។ ចាន់ សំអាត ត្រូវបានអ្នករៀបចំដាក់ជំនួស ឲ្យកីឡាករ តាញ់ មករា ដោយសារមានរបួសជើងមិនអាចប្រកួតបាន។

តាមរយះការទស្សនារវាង ចាន់ សំអាត និងសិស្សប្អូនសាច់ស្អាត អេលីត សាន់ ពិតជាធ្វើឲ្យមានការពេញចិត្តជាខ្លាំងពីអ្នកគាំទ្រ ព្រោះអ្នកទាំងពីរសុទ្ធតែជាកីឡាករល្អដូចគ្នា។ គេឃើញមានការប្តូរគ្នាក្នុងជំនួបអ្នកទាំងពីរនេះទាំងកណ្តាប់ដៃ ទាត់ ជង្គង់ មិនរអាគ្នារៀងៗខ្លូន ប៉ុន្តែពុំឃើញមានវត្តមានការប្រើកែងឡើយ។ អស់រយះពេល៤ទឹក ក្នុងទឹកទី៤ ចាន់ សំអាត ព្យាយាមដើរចូលចាប់ អេលីត សាន់ វាយជង្គង់រហូតសិស្សប្អូនបោះបង់ការប្រកួត មិនអាចបន្តបាន។

ក្រោយទទួលបានជ័យជម្នះ គេឃើញគាត់មានប្រតិកម្មភ្លាមៗ នៅត្រង់ប្រអប់ដៃខាងស្តាំ ហាក់មានសភាពឈឺចាប់ខ្លាំងមិនអាចកំរើកបាន និងទឹកមុខគួរឲ្យអាណិតរបស់លោក។ មានប្រិយមិត្តស្នេហាវិស័យកីឡាប្រដាល់ជាច្រើន បានសរសេរសារជូនពរកីឡារូបនេះឆាប់ជាពីរបួស ព្រោះគាត់គឺជាកីឡាករល្អមួយរូប៕

ចង់ឃើញ ចាន់ សំអាត និងអេលីត សាន់​ប្តូរគ្នាក្តៅយ៉ាងណា ទៅទស្សនាវីដេអូខាងក្រោមទាំងអស់គ្នា៖