បរទេស៖ នៅក្នុងកិច្ចសម្ភាសន៍ជាមួយសារព័ត៌មាន Marca របស់អេស៉្បាញ Usain Bolt ដែលជាអ្នកគាំទ្រដ៏ងប់ងល់ម្នាក់របស់ក្លិបបិសាចក្រហម Manchester United នោះ ជឿជាក់ថានៅក្នុងពេលនេះកីឡាករ Cristiano Ronaldo អាចនឹងរត់បានល្បឿនលឿនជាងរូបគេហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
គួររម្លឹកដែរថាកំពូលអ្នករត់ប្រណាំងវ័យ៣៤ឆ្នាំរូបនេះបានប្រកាសចូលនិវត្តន៍កាលពីឆ្នាំ២០១៧ ដោយរូបគេបានបង្កើតកំណត់ត្រាដ៏អស្ចារ្យជាច្រើន មានដូចជាការប្រើរយៈពេលត្រឹម៩.៥៨វិនាទី សម្រាប់ចម្ងាយ១០០ម៉ែត្រ និង១៩.១៩វិនាទីសម្រាប់ចម្ងាយ២០០ម៉ែត្រកាលពីឆ្នាំ២០០៩ ។
ប្រាកដណាស់ថានៅពេលនេះ Ronaldo អាចរត់បានលឿនជាងខ្ញុំ ព្រោះថាកីឡាកររូបនេះនៅតែដាក់ចិត្តដាក់កាយក្នុងការហ្វឹកហាត់ជារៀងរាល់ថ្ងៃ។ លើសពីនេះរូបគេនៅតែអាចលេងបានក្នុងកម្រិតកំពូលមួយដដែល បើទោះបីជាមានវ័យ៣៥ឆ្នាំទៅហើយក្ដី។ ហើយបើនិយាយដោយស្មោះត្រង់ទៅ សម្រាប់ខ្ញុំ Ronaldo គឺជាអត្តពលិកកំពូលម្នាក់នៅលើពិភពលោក៕
ប្រភព៖ goal
Bong I.T