មក​ស្គាល់​ស្ពាន​ទាំង​ ១០ ដែល​មាន «​ប្រវែង​វែង​ជាង​គេ​​បំផុត»​​​នៅ​​លើ​​​​លោក​

ស្ពានគឺជាប្រភេទសំណង់មួយ ដែលត្រូវបានប្រើប្រាស់ក្នុងការឆ្លងពីផ្នែកម្ខាងទៅផ្នែកម្ខាងទៀត។ គេប្រើប្រាស់​ស្ពាន​ដើម្បី​ធ្វើដំណើរឆ្លងកាត់ទន្លេ សមុទ្រ ជ្រលងភ្នំ និងទីដែលពិបាកឆ្លងកាត់ផ្សេងៗទៀត។ ស្ពានដែលវែងជាងគេនៅ​ប្រទេស​កម្ពុជាយើងគឺស្ពានអ្នកលឿង (ស្ពានត្សឹសបាសា) ដែលសាងសង់ឡើងនៅលើទន្លេមេគង្គក្រោម។ ស្ពានអ្នកលឿង​នេះស្ថិតនៅខេត្តព្រៃវែង និងខេត្តកណ្តាល ព្រមទាំមានប្រវែង២២១៥មែត្រ។

ស្លេះពីកម្ពុជា ឥលូវយើង​ទៅ​មើលអំពីស្ពានដែលវែងជាងគេទាំង ១០នៅក្នុងពិភពលោក ថាតើស្ពានទាំងនោះ​មាន​ឈ្មោះ​អ្វី? ហើយស្ថិតនៅប្រទេសណាខ្លះ?

ទី១០. ស្ពាន Line 1. Wuhan Metro Bridge 

ស្ពាន Line 1. Wuhan Metro Bridge មានប្រវែង៣៧,៣៨៨ម៉ែត្រ។ ស្ពាននេះស្ថិតនៅក្នុងប្រទេសចិន និង​សាង​សង់រួចនៅឆ្នាំ២០០៩។ 

ទី៩. ស្ពាន Lake Pontchartrain Causeway 

ស្ពានវែងជាងគេទី៩គឺ ស្ពាន Lake Pontchartrain Causeway ដែលមានប្រវែង៣៨,៤៤២ម៉ែត្រ។ ស្ពាននេះ​ស្ថិតនៅឯសហរដ្ឋអាមេរិក និងបានសាងសង់ស្ពានប៉ែកខាងត្បូងរួចរាល់នៅឆ្នាំ១៩៥៦ និងស្ពានប៉ែក​ខាងជើង​រួចរាល់​នៅឆ្នាំ១៩៦៩។ 

ទី៨. ស្ពាន Beijing Grand Bridge 

ស្ពាន Beijing Grand Bridge មានប្រវែង៤៨,១៥៣ម៉ែត្រ។ ស្ពាននេះស្ថិតនៅឯប្រទេសចិន និងសាងសង់ហើយ​រួច​រាល់​នៅឆ្នាំ២០១០។ 

ទី៧. ស្ពាន Sheikh Jaber Al-Ahmad Al-Sabah Causeway 

ស្ពាន Sheikh Jaber Al-Ahmad Al-Sabah Causeway មានប្រវែង៤៨,៥០០ម៉ែត្រ។ ស្ពាននេះស្ថិតនៅឯ​ប្រទេស​គុយវ៉ែត និងសាងសង់រួចរាល់នៅឆ្នាំ២០១៩។ ស្ពាននេះត្រូវបានចំណាយថវិការក្នុងការសាងសង់​ប្រមាណ ៣ពាន់​លាន​ដុល្លា។ 

ទី៦. ស្ពាន Bang Na Expressway 

ស្ពានដែលវែងជាងគេលំដាប់ទី៦នេះ មានឈ្មោះ Bang Na Expressway ដែលមានប្រវែង៥៤,០០០ម៉ែត្រ។ ស្ពាននេះមានទីតាំងស្ថិតនៅឯប្រទេសថៃ និងសាងសង់រួចជាស្ថាពរនៅឆ្នាំ២០០០។ 

ទី៥. ស្ពាន Weinan Weihe Grand 

ស្ពាន Weinan Weihe Grand មានប្រវែង៧៩,៧៣២ម៉ែត្រ។ ស្ពាននេះស្ថិតនៅប្រទេសចិន និងសាងសង់រួចរាល់​នៅឆ្នាំ​ ២០០៨។ 

ទី៤. ស្ពាន Cangde Grand bridge 

ស្ពាន Cangde Grand bridge មានប្រវែង ១០៥,៨១០ម៉ែត្រ។ ស្ពាននេះមានទីតាំងស្ថិតនៅឯប្រទេសចិន និងបាន​សាង​សង់រួចរាល់ក្នុងឆ្នាំ ២០១០។

ទី៣. ស្ពាន Tianjin Grand bridge 

ស្ពាន Tianjin Grand bridge មានប្រវែង ១១៣,៧០០ ម៉ែត្រ។ ស្ពាននេះស្ថិតនៅឯប្រទេសចិន និងបានសាងសង់​រួចរាល់​នៅឆ្នាំ ២០០៤។ 

ទី២. ស្ពាន Changhua-Kaohsiung Viaduct 

ស្ពាន Changhua-Kaohsiung Viaduct មានប្រវែង ១៥៧,៣១៧ម៉ែត្រ។ ស្ពាននេះស្ថិតនៅឯប្រទេសតៃវ៉ាន់ និង​សាងសង់រួចរាល់នៅក្នុងឆ្នាំ២០០៤។ 

ទី១. ស្ពាន Dangyang-Kunshan Grand bridge 

ស្ពានដែលមានប្រវែងវែងជាគេបំផុតក្នុងពិភពលោកគឺ ស្ពាន Dangyang-Kunshan Grand bridge ដែលមាន​ប្រវែង​១៦៤,៨០០ម៉ែត្រ ស្មើនឹង១៦៤.៨គីឡូម៉ែត្រ។ ស្ពាននេះស្ថិតនៅឯប្រទេសសចិន និងបានសាងសង់រួចរាល់​ជា​ស្ថាពរ​នៅក្នុងឆ្នាំ២០១០៕