វ័យទើប ១៧ឆ្នាំសោះ កូនស្រីរបស់លោក​កុំកុំ តុបតែង​ខ្លួន​បាន​ស្រស់​​ស្អាត​​មិន​ចាញ់​​តារា​ឡើយ

ចិនហុងកុង៖ ជឿថាមានប្រិយមិត្តមិនតិចនោះទេដែលស្គាល់ និងជាអ្នកគាំទ្រតារាជួរមុខចិនហុងកុងគឺលោក Donnie Yen ដែលគ្រប់គ្នាតែងតែស្គាល់ថា កុំកុំ តាមរយៈការសម្តែងខ្សែ​ភាពយន្ត​បែប​ក្បាច់​គុណវ៉ៃប្រហារ ដ៏ល្បី​ល្បាញ ដែលរហូតមកទល់ពេលនេះប្រជាបិ្រយភាពរបស់  Donnie Yen  នៅតែទទួលបានការគាំទ្រ និងចាប់​អារម្មណ៍​ខ្លាំង​ពីសំណាក់អ្នកគាំទ្ររបស់លោកនៅទូទាំងពិភពលោកដូចដើម  បើទោះបីជាលោកមិនសូវប្រឡូក​ក្នុង​វិស័យថតគុនពេញលេញដូចមុនក៏ដោយ ហើយជីវិតផ្ទាល់ខ្លួនរបស់ Donnie Yen នៅតែមានការចាប់អារម្មណ៍​ខ្លាំងពី​សំណាក់អ្នកគាំទ្រ។

បច្ចុប្បន្ននេះ តារាសម្តែងក្បាច់គុនដ៏ល្បីរបស់ចិន លោក Donnie Yen  បានរៀបការជាមួយនឹងអ្នកស្រី Cissy Wang ដោយទទួលបានកូនប្រុសស្រី ២នាក់ ។ ជាក់ស្តែងកាលពីថ្ងៃទី១៨ មករា ២០២១ ​នេះ លោក Donnie Yen បាន​បង្ហោះ​រូបភាពគ្រួសារ និងសរសេរសារជូនពរយ៉ាងវែងក្នុងថ្ងៃខួបកំណើតកូនស្រីជាទីស្រលាញ់របស់លោកគឺ Jasmine Yen ​គម្រប់អាយុ ១៧ឆ្នាំ  ដែល  Jasmine Yen ជាកូនស្រីបង។
ហើយបើងាកមកមើលពីរូបសម្រស់វិញ Jasmine ពិតជាមានមុខមាត់ រូបរាង ស្រស់ស្អាតមិនចាញ់តារានោះឡើយ បើទោះបីជាពេលនេះនាងទើបតែមានវ័យ 17ឆ្នាំក៏ពិតមែន។ តោះចង់ដឹងថាកូនស្រីតារាសម្តែង កុំកុំ ស្រស់ស្អាត​កម្រិតណា យើងមកមើលរូបភាពខាងក្រោម៖