តារាស្រីចិន Xu Jinglei បានបង្ហាញថា ការពពោះជំនួសពិតជារឿងធម្មតាណាស់នៅក្នុងប្រទេសចិន

ចិន៖ រឿងអាស្រូវពពោះជំនួសរបស់ Zheng Shuang បានក្លាយជាប្រធានបទយ៉ាងក្ដៅគគុកក្នុងការជជែកវែកញែកអំពីក្រមសីលធម៌ជុំវិញការពពោះជំនួសនៅប្រទេសចិនដីគោក។

ការពពោះជំនួសនៅតែខុសច្បាប់ខ្លាំងណាស់ ប៉ុន្តែពលរដ្ឋចិនត្រូវបានអនុញ្ញាតឱ្យជួលអ្នកពពោះជំនួសនៅក្រៅប្រទេសដោយមិនតម្រូវឱ្យទទួលខុសត្រូវចំពោះមុខច្បាប់ឡើយ។

ដោយសារតែបញ្ហានេះប្រទេសចិនមានទីផ្សារខ្មៅដែលកំពុងរីកចម្រើនក្នុងការពពោះជំនួស ហើយប្រជាជនចិនដែលមានទ្រព្យស្តុកស្តម្ភជាច្រើនក៏ធ្វើដំណើរទៅក្រៅប្រទេសដើម្បីទទួលបានការពពោះកូនជំនួស ដែលក្នុងនោះនៅសហរដ្ឋអាមេរិកមានប្រជាប្រិយភាពបំផុត។

ការជជែកវែកញែកនៅពីក្រោយក្រមសីលធម៌នៃការពពោះជំនួសមានមតិគាំទ្រ និងមិនគាំទ្រ ៥០/៥០ ក្នុងចំណោមសាធារណជនចិន។ កាលពីថ្ងៃទី ១៩ ខែមករា ឃ្លីបវីដេអូនៅក្នុងឆ្នាំ ២០១៧ ដែលអ្នកនាង Xu Jinglei កំពុងត្រូវបានសម្ភាសន៍ដោយលោក Dou Wentao បានផ្សព្វផ្សាយតាមប្រព័ន្ធអ៊ីនធឺណេតដែលក្នុងនោះតារាស្រីចិនរូបនេះបានបង្ហាញថា ការពពោះជំនួសពិតជារឿងធម្មតាណាស់នៅក្នុងប្រទេសចិន។

នៅក្នុងឃ្លីបនោះ Xu Jinglei បានចែករំលែកថានាងបានបង្កកស៊ុតបង្កកំណើតរបស់នាងរួចហើយដើម្បីត្រៀមសម្រាប់ពេលវេលាសមស្រមនាពេលអនាគតដែលអាចមានកូន។ ក្រុមគ្រួសារមិត្តប្រុសរបស់ Jinglei ទទួល យកជម្រើសរបស់នាង ដោយឪពុករបស់មិត្តប្រុសនាងនិយាយបែបលេងសើចថា "អ្នកដាក់ចៅៗ របស់ខ្ញុំនៅក្នុងទូរទឹកកក!"

Xu Jinglei បានទាក់ទងស្នេហាជាមួយអ្នកនិពន្ធចម្រៀងជនជាតិអាមេរិកកាំងតៃវ៉ាន់លោក Stanley Huang អស់រយៈពេលជាច្រើនឆ្នាំមកហើយ។

ទោះបីជា Jinglei មិនមានផែនការរៀបការនិងយកកូននាពេលនោះក៏ដោយក៏នាងមិនអាចធានាថានាងនឹងមានអារម្មណ៍ដូចគ្នានាពេលអនាគតដែរ។ នាងមិនចង់សោកស្តាយដែលមិនមានកូននៅពេលដែលវាយឺតពេលសម្រាប់រាងកាយរបស់នាងអាចទ្រាំទ្របាន។ ដូច្នេះហើយការពពោះជំនួសអាចជាជម្រើសល្អបំផុត។

Jinglei ក៏បានបង្ហើបឱ្យដឹងថាមិត្តភក្តិរបស់នាងជាច្រើនបានសម្រេចចិត្តជ្រើសយកការពពោះជំនួសបន្ទាប់ពីនាងបានប្រាប់ពួកគេថានាងបានបង្កកស៊ុតបង្ករកំណើតរបស់នាង។ Jinglei បានសើចហើយនិយាយថា“ ដោយសារតែខ្ញុំ មន្ទីរពេទ្យអាចរកប្រាក់បានយ៉ាងងាយស្រួលឥឡូវនេះ។ តើចំណែករបស់ខ្ញុំនៅឯណា? "

សូមទស្សនារូបភាពខាងក្រោម៖

ប្រភព៖​ Jayne Stars