មិត្តល្អក្លាយជាសត្រូវនៅលើទីលាន! Gerrard រំម្លឹកថាកាលមិត្តល្អរបស់គាត់ម្នាក់នេះផ្លាស់ទៅ Chelsea ពិតជាធ្វើឱ្យគាត់ពិបាកចិត្តណាស់

ខ្ញុំមិនបានលេងជាមួយ Torres បានយូរប៉ុន្មានទេ ព្រោះថាគាត់បានចាកចេញទៅចូលរួមជាមួយ Chelsea ហើយពេលនោះបានធ្វើឱ្យខ្ញុំពិបាកចិត្តយ៉ាងខ្លាំង។ ប្រសិនបើអ្នកសួរខ្ញុំថាតើនរណាដែលអ្នកគិតថាជាខ្សែប្រយុទ្ធល្អបំផុតនៅ Liverpool នេះ ជាការពិតខ្ញុំច្បាស់ជាឆ្លើយថា គឺ Luis Suarez ប៉ុន្តែច្រើនឆ្នាំដែលល្អបំផុតមកនេះខ្ញុំទទួលស្គាល់ចំពោះ Toress ព្រោះខ្ញុំដឹងពីវិធី និង ការលេងរបស់គាត់ច្បាស់។ ខ្ញុំពិតជាសោកស្តាយនៅពេលដែលគាត់បានចាកចេញ។ ពួកយើងបានខិតខំយ៉ាងខ្លាំងជាមួយគ្នាដើម្បីជួយក្លិបឱ្យឈានដល់គោលដៅដើម្បីអាចដណ្តើមជើងឯកបាន។ កាលនៅ Liverpool ពេលមួយនោះវាតែងតែដក់ដាមនៅក្នុងចិត្តខ្ញុំរហូតមក ខ្ញុំ និង គាត់តែងតែព្យាយាមអភិវឌ្ឍសម្ថភាពឱ្យឈានទៅមុខជានិច្ច ហើយពួកយើងក៏កំពុងចាប់ដៃគ្នានៅលើទីលានបានល្អទៀតផង ប៉ុន្តែក្រោយមកគាត់ក៏បានផ្ទេរចេញពីក្លិបមួយនេះ ដែលធ្វើឱ្យភ្លាមៗខ្ញុំពិតជាពិបាកទទួលយកណាស់។ ការសហការដ៏ល្អរបស់ពួកយើង ពិតជាបានជួយខ្ញុំឱ្យរកគ្រាប់បាល់បានច្រើនគួរសមដែរ។ មិនត្រឹមតែប៉ុណ្ណោះសម្ថភាពរបស់ខ្ញុំអាចឡើងដល់ចំណុចមួយដែលនិយាយបានថាជាកម្រិតល្អប្រសើរទៅហើយ ហើយពេលនោះខ្ញុំពិតជាមានអារម្មណ៍ថាអស្ចារ្យមែនទែន៕