បរទេស៖ អ្នកចាត់ការរបស់ Manchester City លោក Pep Guardiola បានចាត់ទុកថា ការជួបក្រុម Real Madrid គឺដូចជាជំនួប derby បន្ទាប់ពីក្រុមរបស់លោកបានចាប់ឆ្នោតជួបពួកគេនៅក្នុងការប្រកួត playoffs ដើម្បីដណ្តើមកៅអីឡើងទៅកាន់វគ្គ ១៦ ក្រុមចុងក្រោយនេះពានរង្វាន់ Champions League។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ អាចថាជារឿងចៃដន្យ ឬជានិស្ស័យក៏បាន ដោយ Man City និង Real Madrid បានជួបគ្នា ៣ ឆ្នាំជាប់គ្នាមកហើយ ខណៈទាំងលើកនេះទៀត គឺ ៤ ឆ្នាំជាប់គ្នា ហើយជាលទ្ធផលក្នុងការជួបគ្នា ៦ ជើង គឺ Man City ឈ្នះ ២ ស្មើ ២ និងចាញ់ ២។
ទាក់ទងនឹងរឿងខាងលើ លោក Pep Guardiola បានមានប្រសាសន៍យ៉ាងដូច្នេះថា៖
វាមើលទៅដូចជាការប្រកួត derby រួចរាល់ហើយ ព្រោះ ៤ ឆ្នាំជាប់ៗគ្នាហើយ ដែលពួកគេត្រូវប្រឈមមុខទល់នឹង Madrid។ Madrid ឬ Bayern គឺសុទ្ធតែជាការប្រកួតដ៏លំបាក ដូច្នេះសង្ឃឹមថា ពួកយើងនឹងអាចធ្វើឱ្យបានល្អបំផុតតាមដែលអាចធ្វើទៅបានសម្រាប់ការប្រកួតជើងទី ១ នៅទីនេះ និងជើងទី ២នៅ Madrid។
ប្រភព៖ Man City
Bong I.T