Jany ស្រក់ទឹកភ្នែកឥតឈប់ ក្រោយរៀបរាប់ពីរឿងរ៉ាវជីវិត ទម្រាំបានដល់ថ្ងៃនេះ (មានវីដេអូ)

ភ្នំពេញ៖ កញ្ញា Jany ដែលប្រិយមិត្តភាគច្រើនបានស្គាល់រួចមកហើយ ជាពិសេសយុវវ័យបានស្គាល់កញ្ញាមកជាហូរហែតាមរយៈការសម្ដែងក្នុងរឿងភាគអប់រំខ្លីៗរបស់ក្លាហាន៩ ដែលកញ្ញាបានដើរតួជាជំនាងផ្ទះបែបក្រមិចក្រមើម ហើយក៏ជាតារាចម្រៀងនិងជា Influencer ដ៏មានប្រជាប្រិយភាពក្នុងបណ្ដាយសង្គមផងដែរ។

តារាស្រីពូកែរថ្វីមាត់ កំពូលវោហាស័ព្ទរូបនេះតែងតែបង្ហោះនូវវីដេអូបែបកំប្លែកៗបង្គប់នូវអត្ថន័យអប់រំបូករួមនិងភាពកំប្លុកកំប្លែកធ្វើឲ្យអ្នកទស្សនាមើលហើយទប់សំណើចមិនជាប់ ហើយកញ្ញាទទួលបានការគាំទ្រជាខ្លាំងពីមិត្តៗយុវវ័យ។

យ៉ាងណាមិញនៅព្រឹកនេះផងដែរកញ្ញា Jany បែរជាធ្វើឱ្យអ្នកគាំទ្រមិនតិចនាក់ទេហូរទឹកភ្នែកតាមនាង ដោយវីដេអូថ្មី ដែលទើបតែចេញមុននេះបន្តិច Jany បានគាស់កកាយរឿងរ៉ាវពីក្រោយភាពជោគជ័យបច្ចុប្បន្នរបស់នាង។ Jany ត្រូវបានអ្នកជុំវិញខ្លួនមិនទទួលស្គាល់នូវទេពកោសល្យរបស់នាងនោះឡើយ ព្រមទាំងទទួលបាននូវរងការរិៈគុណពាក្យសម្ដីមិនសមរម្យលើនាងទៀតផង។

អ្វីដែលធ្វើឲ្យ Jany រឹតតែពិបាកខ្លាំងនោះ គឺគ្រួសាររបស់នាងបដិសេធមិនឲ្យនាងធ្វើជាតារាឡើយ។ មានតែមនុស្សម្នាក់គត់ដែលជំរុញលើកទឹកចិត្ត Jany នោះគឺជីដូនរបស់នាង ប៉ុន្តែមិនបានប៉ុន្មាននាងត្រូវបាត់បង់អ្នកផ្ដល់កម្លាំងចិត្ត និងអ្នកទីប្រឹក្សាដោយហេតុថា លោកយាយរបស់នាងបានទទួលមរណៈភាពទៅហើយ៕

ចង់ជ្រាបច្បាស់ សូមទស្សនារូបភាព និងវីដេអូខាងក្រោម៖