អង់គ្លេស៖ អ្នកចាំទី Aaron Ramsdale នៃក្លិប Sheffield United ត្រូវបានអ្នកគាំទ្ររបស់ក្លិបកាំភ្លើងធំ Arsenal វាយប្រហារដោយប្រើប្រាស់ពាក្យសម្ដីធ្ងន់ៗនិងអសុរោះក្នុងបណ្ដាញសង្គម Instagram របស់គេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមសារព័ត៌មានជាច្រើនបានចុះផ្សាយថា Arsenal ជិតនឹងទិញយកកីឡាករសញ្ជាតិអង់គ្លេសរូបនេះបានហើយដែលវាធ្វើឲ្យអ្នកគាំទ្រមិនពេញចិត្តនិងឈានដល់ការវាយប្រហារតាមពាក្យសម្ដីបែបនេះតែម្ដង។
Ramsdale បានធ្វើការបិទ Comment ក្នុង Instagram ដើម្បីបញ្ឈប់ការរើសអើងអស់ទាំងនេះដោយពាក្យសម្ដីទាំងងនោះសុទ្ធតែអសុរោះ។ ពួកគេបានប្រាប់ Ramsdale ឲ្យទៅឲ្យឆ្ងាយពី Arsenal ហើយមានប្រយោគខ្លះជាប្រយោគគំរាមកំហែងទៀតផង។
គេរំពឹងទុកថា កីឡាករវ័យ២៣ឆ្នាំនេះនឹងមកធ្វើតេស្តសុខភាពនៅទឹកដី Emirates នាពេលឆាប់ៗខាងមុខដោយ Arsenal បានបង់ថ្លៃផ្ទេរទៅ Sheffield United ចំនួន៣០លានផោន(ស្មើនឹងប្រមាណ៤១លានដុល្លារ)។
គួរបញ្ជាក់ថានេះមិនមែនជាលើកទី១ទេដែលកីឡាករទទួលរងការវាយប្រហារបែបនេះព្រោះកាលពីពេលថ្មីៗទៅនេះ Bukayo Saka, Marcus Rashford និង Jadon Sancho ក៏ត្រូវអ្នកគាំទ្រវាយប្រហារដោយប្រើប្រាស់ពាក្យរើសអើងពូជសាសន៍ជាច្រើនផងដែរ៕
ប្រភព៖ thesun