ឃើញគេផុសរឿងបំណុលច្រើនពេក កៅ សីហា សរសេរបែបនេះផ្ញើទៅអ្នក ហាយសូរជំពាក់លុយគេ

សម័យនេះ ឆ្នាំ2022ហើយ ខ្ញុំអត់កោតសរសើរ ឬមោទនភាពជាមួយជនប្រ៊េនៗ ឬកក្រអើតក្រទម ហាយសូ បែប fake ទេ។ អញ្ជើញមកពីទិសណា ក៏អញ្ជើញបោលទៅទិសនោះវិញទៅ ហាយសូ កាលីប តែពេលគេមិនទាន់ផុសរូបថតទារលុយ ដល់គេផុស បានដឹងថា កិត្តិយសអ្នកស្មើសូន្យ។ រស់បែបធម្មតាទៅវាថី? ហាយសូទៅណា? ដូចខ្ញុំរាល់ថ្ងៃ ខ្ញុំអត់រស់ផ្គាប់ភ្នែក ឬមាត់មនុស្សជុំវិញខ្លួនទេ ចង់អ្នកណាថាខ្ញុំនេះមិនទាន់សម័យ ស្រែ មិនចូលចំណោមគេក៏តាមចិត្ត ខ្ញុំសុំរស់បែបខ្ញុំ ហើយអារឿង ខ្ចីលុយគេមកហាយសូនេះ គឺដាច់ខាតមិនតែម្ដង។ និយាយរួម ឲ្យតែរឿងខ្ចីបុល ឬដាក់បញ្ចាំ អ្វីអស់នោះវាមិនមែនជាទម្លាប់ខ្ញុំទេ។ ធ្លាប់មានបទពិសោធន៍ដោយការអាណិតគេ ឲ្យគេខ្ចីមិនយកការប្រាក់ ហើយក៏មិនហ៊ានទារ ឬយកឈ្មោះទៅធានាឲ្យគេ ចេញសងជំនួសគេក៏ស្គាល់ជាតិហើយ។ តែអារឿងខ្ចីគេ ជំពាក់គេនេះ កុំថាឡើយរាប់រយ រាប់ពាន់ដុល្លារ តែ១០០លុយខ្មែរ ក៏ដេកភ័យដែរ បានលុយសងគេភ្លាម។ តែកម្រជំពាក់គេណាស់ តាំងពីកើត ដល់អាយុសែជាងនេះ អារឿងបុលបំណុល គឺប៉ះពារ2-3ដងគត់ តែមិនដែលឲ្យគេពិបាកចិត្តទេហើយបង់ការវឹបៗ មិនឲ្យថោកឡើយ។ ជាក់ស្ដែងជាប់បំណុលធានាគាររាល់ថ្ងៃនេះ គឺបង់ទាំងការទាំងដើមនមួយខែ១ពាន់ដុល្លារជាងគឺបង់មុនថ្ងៃរហូត ខ្លាចខូច credit ទៅថ្ងៃក្រោយ។ បើរឿងមិត្តវិញ ដាច់ខាត មិនពាក់ពន្ឋលុយកាក់សោះហ្មង គឺឲ្យដឹងឲ្យសុំដឹងសុំ ។បើកាលម៉ាហ៊ឹកលេងតុងទីន ដើរសួរមេៗ ធ្លាប់លេងមួយខ្ញុំទៅ មិនដែលចេះដេញអាម៉េច គឺទុកកើបរហូត ហើយបង់មុនថ្ងៃរហូតឲ្យតែដឹងការប្រាក់។ សរុបមក អារឿងខ្ចីលុយគេ ឬយករបស់ទៅដាក់បញ្ចាំ គឺមិនឲ្យវាក្លាយជាទម្លាប់ដាច់ខាត អត់លុយ សុខចិត្តដេកអត់ របស់ប្រើ គឺប្រើទាល់តែដាំខ្ទឹម មិនលក់ មិនដូរ ឬបញ្ចាំដាច់ខាត។ កោតអ្នកជំពាក់លុយគេមួយចំនួន រត់គេចវេស ហើយហ៊ានចេញមុខ តតាំងរកប្ដឹងម្ចាស់លុយទៀត អត់គិតពេលខ្លួនទ័ល អង្វរឲ្យគេជួយទេឬ? កុំយកភាសា ថាគេស៊ីការឆ្អែត មកបកស្រាយ។ ការ គឺការសងគឺសង ជំពាក់គឺជំពាក់ និយាយនេះអ្នកជំពាក់លុយខ្ញុំ កុំមានខ្លួនអីំណាខ្ញុំគ្មានចេតនាដៀមដាមទេ តែចង់និយាយពីអារម្មណ៍។ ខ្ញុំអត់ចេះដៀមដាមទេ មើលតែខ្ចីមិនយកការ រាប់ខែ កាន់ឆ្នាំនឹង គួរយល់ចិត្ត នឹងចរឹតខ្ញុំហើយ តែបើខ្ញុំត្រូវការ ខ្ញុំនឹងឲ្យដំណឹងមុន។ សរុបអ្នកជំពាក់លុយ 5-7នាក់ ក្បែរ 5ពាន់ដុល្លារដែរតើ តែបើសួរថា បានលុយថ្លៃការទេ គឺ No ខ្ញុំអត់ដែលយកទេ សូម្បី១រយលុយខ្មែរ។ ឲ្យខ្ចីព្រោះកើតពីការអាណិត ហើយក៏ដឹងទៀតថា អ្នកខ្លះ ខ្ចីហើយ ក៏ពិបាកនឹងរកលុយសងដែរ តែមិនដែលគិត ព្រោះចិត្តអាណិតវាធំជាង។