មិនធម្មតា ក្រុមអ្នកគាំទ្រ BTS នាំគ្នារៃអង្គាសថវិកាជួយអ៊ុយក្រែនដល់ទៅ១លានដុល្លារ

កម្សាន្ត ៖ នៅថ្ងៃទី ២៤ ខែកុម្ភៈ កន្លងទៅនេះ បន្ទាប់ពីការពិភាក្សាការទូតបរាជ័យជាច្រើន សប្តាហ៍ រុស្ស៊ីក៏បានឈ្លានពានអ៊ុយក្រែន ហើយក្នុងរយៈពេលមួយសប្តាហ៍កន្លងមកនេះ ប្រជាជនអ៊ុយក្រែន បានភៀសខ្លួនចេញពីប្រទេសរបស់ពួកគេ ស្វែងរកសុវត្ថិភាពនៅក្រោមដី និងបានវាយបកប្រឆាំងនឹងកងទ័ពរុស្ស៊ីវិញ។

ក្នុង​ចំណោម​មនុស្ស​រាប់​ពាន់​នាក់ ​ដែល​ទទួល​រង​ផល​ប៉ះ​ពាល់​ក៏មាន ARMYs អ្នក​គាំទ្រក្រុមតារាចម្រៀង BTS ផងដែរ ដែល​កំពុងតែរត់ភៀសខ្លួនដោយការ​ភ័យ​ខ្លាច ក្រោយមកនៅលើ Twitter អ្នកគាំទ្រជនជាតិអ៊ុយក្រែន កំពុងចែករំលែករឿងរ៉ាវរបស់ពួកគេ សារភាពពីគំនិតដ៏ស្មោះស្ម័គ្ររបស់ពួកគេ និងសុំជំនួយផងដែរ។

ជាការឆ្លើយតប ARMYs មកពីជុំវិញពិភពលោកឥឡូវនេះ កំពុងប្រមូលផ្តុំគ្នាដើម្បីរៃអង្គាសថវិកា ដើម្បីជួយពលរដ្ឋអ៊ុយក្រែន ដែលកាលពីក្នុងឆ្នាំ ២០២០ Fandom របស់ BTS បានរៃអង្គាសប្រាក់បាន ១ លានដុល្លារ សម្រាប់ចលនា Black Lives Matters ហើយឥឡូវនេះពួកគេចង់ធ្វើវាម្តងទៀតដោយកំណត់នៃការបរិច្ឆាគចំនួន ១លានដុល្លា។

បន្ថែមពីលើការផ្ញើការគាំទ្រ ផ្នែកហិរញ្ញវត្ថុ ARMYs កំពុងផ្ញើគំនិត ការអធិស្ឋាន និងពាក្យនៃក្តីស្រឡាញ់ទៅកាន់អ្នកគាំទ្ររបស់ពួកគេ និងប្រជាជនអ៊ុយក្រែនទាំងអស់ផងដែរ ដែលអ្នកខ្លះថែមទាំងផ្តល់ជំនួយដល់ទាហានអ៊ុយក្រែន ដែលបានភៀសខ្លួនចេញពីប្រទេសរបស់ពួកគេ ថែមទៀត៕

ប្រភព : Koreaboo