គ្រាន់ឈុតឡើងយន្ដហោះរបស់ Rosé មួយតួខ្លួន សរុប តម្លៃរាប់ម៉ឺនដុល្លារ

កម្សាន្ត៖ ថ្មីៗនេះ តារាចម្រៀងស្រីសម្លេងស្រួយ Rosé បានធ្វើដំណើរទៅព្រលានយន្ដហោះ ដោយមានអ្នកការសែតអមតាមផ្លូវចាំចាប់យករូបភាពផងដែរ។ ភាគច្រើន គេបានចាប់អារម្មណ៍ជាងគេ ទៅលើ Fashion ក្នុងការតែងខ្លួនរបស់តារា Kpop ជានិច្ច ហើយ Rosé ក៏មិនខុសគ្នាដែរ ណាមួយនាងជាតារាល្បីពូកែខាងស្ទាយ៍តែងខ្លួន។

បើមើលតែសំបកក្រៅ គេឃើញតារាចម្រៀងរូបនេះ ស្លៀកឈុតធម្មតា អាវស្បែកពណ៌ខ្មៅ ខោកាប៊យ ដូចសាមញ្ញៗនោះទេ តែបើសង្កេតអំពីម៉ាកសម្លៀកបំពាក់ និង កាបូប ស្បែកជើងរបស់នាងវិញ សុទ្ធតែប្រ៊េនល្បីៗ មានតម្លៃថ្លៃ។ នៅក្នុងនោះ អាវក្រៅម៉ាក Saint Laurent តម្លៃជិត៤ពាន់ដុល្លារ ចំណែកឯ ខោកាប៊យតម្លៃ៨៨ដុល្លារ។

ជាមួយនឹងតម្លៃរបស់ប្រើផ្សេងៗដែលនៅមួយតួខ្លួន Rosé ទៀត តម្លៃសរុបមកប្រហែលជិត ៣ម៉ឺនដុល្លារ នេះគ្រាន់តែឈុតពាក់ធ្វើដំណើរផង។ លើសពីនោះ ក្នុងឈុតមួយនេះ ពិតជាសមតម្លៃ ដែលធ្វើឲ្យតារាស្រីរូបនេះ មើលទៅកាន់តែថ្លៃថ្នូរលេចធ្លោរ៕

ប្រភព៖ KPOP NEWS