មិនទាន់ឃើញស្វាមីផង Jang Nara បង្ហើបថ្ងៃរៀបការហើយ

កូរ៉េខាងត្បូង៖ កាលពីថ្ងៃទី ១៦ មិថុនា កន្លងទៅនេះ យោងតាមសារព័ត៌មាន YTN News បានបង្ហោះរូបថត កាតអាពាហ៍ពិពាហ៍របស់តារាស្រី Jang Nara រួមជាមួយនឹងព័ត៌មានមួយចំនួន អំពីអាពាហ៍ពិពាហ៍របស់នាង ដែលធ្វើឲ្យហ្វេនៗកាន់តែចាប់អារម្មណ៍ និងចង់ដឹងពីរឿលម្អិតក្នុងកម្មវិធីពិសេសមួយនេះរបស់នាង។ 

យ៉ាងណាមិញ នៅក្នុងនោះ បានឲ្យដឹងថា ពិធីមង្គលការរបស់ Jang Nara នឹងត្រូវធ្វើឡើង នៅម៉ោង ៦ ល្ងាច ក្នុងថ្ងៃទី ២៦ មិថុនាខាងមុខនេះ ក្នុងទីក្រុងសេអ៊ូល។

ជាពិសេស កាតអាពាហ៍ពិពាហ៍របស់តារាស្រីរូបនេះ ត្រូវបានរចនាឡើងយ៉ាងសាមញ្ញ ដែលជាផ្ទាំងពណ៌ស មានឈ្មោះកូនកំលោះនិងកូនក្រមុំ រូបគំនូរ កាន់ដៃគ្នា រួមទាំងមានសារសរសេរថា «យើងរៀបការហើយ»។

លើសពីនេះ គេ​បានដឹងទៀត​ថា អនាគតស្វាមី​របស់ Jang Nara គឺជា​អ្នក​ថត​រូប​ វ័យក្មេង​ជាងនាងដល់ទៅ ៦ឆ្នាំ ដោយ អ្នក​ទាំង​ពីរ​បាន​ជួប​គ្នា ​ក្នុង​ពេល​ថត​រឿងមួយដែលសម្ដែងដោយរូបនាងផ្ទាល់ទៀតផង។ យ៉ាងណាមិញ ដោយសារតែខាងកូនកំលោះមិនមែនជាតារាល្បី ទើប Jang Nara សុំមិនបញ្ចេញអត្តសញ្ញាណស្វាមី ហើយពិធីមង្គលការរបស់អ្នកទាំងពីរ ក៏បានធ្វើឡើងជាលក្ខណៈឯកជនផងដែរ៕

ប្រភព៖ Kenh14

សូមទស្សនារូបភាពខាងក្រោម៖