ចង់គេការក៏ការទៅ Bella រវល់តែដើរតួនាងការ៉ាកេតឯណេះ

ថៃ៖ ក្រោយពីបែកបាក់ស្នេហាដែលខំសាងអស់រយៈពេល៩ឆ្នាំមក Bella ហាក់មិនបង្ហាញការខូចចិត្តអ្វីនោះទេ នាងខ្វល់ខ្វាយតែរឿងការងារសិល្បៈដូចធម្មតា។ ជាពិសេស ថ្មីៗនេះ Weir ដែលសង្សារចាស់ បានប្រកាសរៀបការជាមួយនារីម្នាក់ ទើបទាក់ទងគ្នាត្រឹម៦ខែ ធ្វើឲ្យហ្វេនៗជាច្រើនខកចិត្តជំនួសដែល៩ឆ្នាំមិនស្មើនឹង៦ខែ។

ដោយឡែក ក្រឡេកទៅមើល Bella វិញ នាងហាក់កាត់ចិត្តដាច់ផឹងតែម្ដង គេផ្អើលពេញអ៉ិនធើណែតយ៉ាងណា ក៏តារាស្រីរូបនេះ នៅតែរក្សាភាពស្ងៀមស្ងាត់ និង បន្ដធ្វើការងារសិល្បៈរបស់ខ្លួនបានយ៉ាងរលូន។ លើសពីនោះ ហ្វេនសង្កេតឃើញថា តួឯកស្រី ការ៉េកេតរូបនេះ កាន់តែមានសម្រស់ស្រស់ស្អាត ពេលគ្រងឈុតបុរាណ។

ទន្ទឹមនឹងនោះ ម៉ូតសម្លៀកបំពាក់បុរាណមួយនេះ ពិតជាប្លែក និងលើកសម្រស់តារាស្រីវ័យ៣២ឆ្នាំនេះ ឲ្យមើលទៅកាន់តែក្មេង។ មិនតែប៉ុណ្ណោះ នាងក៏បានត្រឡប់មកវិញជាមួយនឹងរឿង បុព្វេសន្និវាស បែបមួយរឿងចប់ ដោយដើរតួជា នាងការ៉េកេត ដែលទស្សនិកជនទន្ទឹងរងចាំយូរមកហើយដែរ៕

ប្រភព៖ Bella Ranee Campen