ធ្មេចបើកៗ កូនស្រី ឈិត សុជាតា ធំអន្ធឹក មុខមាត់គួរឲ្យក្នាញ់

រាជធានីភ្នំពេញ ៖ បងប្អូនភាគច្រើន ប្រាកដជានៅចាំ អតីតតារាស្រី ឈិត សុជាតា ជាក់ជាមិនខាន បើទោះបី រូបនាងបាត់មុខពីសិល្បៈសឹងតែទាំងស្រុង នាប៉ុន្មានឆ្នាំចុងក្រោយនេះក៏ដោយ ព្រោះតែ ការមមាញឹកនឹងការរកស៊ី លក់ខោអាវនិងផលិតផលសម្រស់តាមអនឡាញ ជាពិសេសគឺចំណាយពេលមើលថែគ្រួសារ។

ទន្ទឹមនឹងនេះ ជីវិតគ្រួសារមិនថា មុខមាត់ស្វាមីឬកូនភ្លោះប្រុសស្រីខ្លួនឡើយ តារាស្រី សុជាតា ក៏ហាក់មិនសូវបញ្ចេញឲ្យខ្លាំងក្លាពេញទំហឹងលើបណ្តាញសង្គម ដូចនឹងតារាស្រករគ្នាប៉ុន្មានឡើយ ។

យ៉ាងណាមិញ ថ្មីៗនេះ រូបនាងយកកូនស្រីខ្លួនចូលLive ដើម្បីបង្ហាញម៉ូតសម្លៀកបំពាក់ប្រពៃណីរបស់ក្មេងស្រី ធ្វើឲ្យហ្វេនៗលាន់មាត់ភ្ញាក់ព្រឺត ធ្មេចបើកៗសោះធំបាត់ទៅហើយ សូម្បីតែមុខមាត់ក៏ស្រស់ស្អាត កាត់តាមអ្នកម្តាយ គួរឲ្យក្នាញ់ ហើយឆ្លាតខ្លាំង៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖