មកទស្សនាវីដេអូ Hazard ក្រឡុកខ្សែការពារ Juventus ម្សិលមិញ រហូតបង្កើតឱកាសឱ្យ R.Madrid រកបានគ្រាប់ទី២ (មានវីដេអូ)

បរទេស៖ ក្រោយការបង្ហាញខ្លួនដ៏ល្អរបស់ Eden Hazard ម្សិលមិញ បានធ្វើឱ្យគេនឹងឃើញពីអតីតកាលដ៏រុងរឿងរបស់គាត់ អំឡុងពេលប្រកបអាជីពនៅ Chelsea, ខណៈម្សិលមិញនេះ គាត់បានចូលរួមចំណែកយ៉ាងធំធេងក្នុងការជួយឱ្យ Real Madrid បំបាក់ Juventus ២-០ នៅក្នុងការប្រកួតមិត្តភាព។

ជាការពិតណាស់ នៅឆ្នាំ ២០១៩ Real Madrid បានទិញយក Hazard ពី Chelsea ដើម្បីជំនួសតំណែងរបស់ Cristiano Ronaldo, ប៉ុន្តែអ្វីៗហាក់មានស្ថិតនៅក្នុងការគ្រោងទុករបស់ក្លិប និងអ្នកគាំទ្រនោះទេ បន្ទាប់ពីរយៈពេល ៣ ឆ្នាំមកនេះ ខ្សែប្រយុទ្ធសញ្ជាតិ ប៊ែលហ្ស៊ិក តែងតែរបួសជាញឹកញាប់ និងមិនសូវបានបង្ហាញខ្លួនជាប់លាប់ឡើយ។

យ៉ាងណាមិញ នៅរដូវកាលនេះគេរំពឹងថា Hazard នឹងអាចត្រឡប់មករកភាពល្អប្រសើរឡើងវិញ បន្ទាប់ពីគេបានមើលឃើញពីការត្រៀមខ្លួន និងការប្រឹងប្រែងយ៉ាងល្អរបស់គាត់នៅរដូវកាលថ្មីនេះ, តួយ៉ាងម្សិលមិញនេះ ខ្សែប្រយុទ្ធវ័យ ៣១ ឆ្នាំបានបង្ហាញទេពកោសល្យយ៉ាងអស្ចារ្យ ក្នុងការអូស ញាក់ និងក្រឡុកខ្សែការពាររបស់ Juventus រហូតជួយឱ្យ R.Madrid រកបានគ្រាប់ទី ២៕

ដើម្បីជ្រាបច្បាស់សូមទស្សនាវីដេអូខាងក្រោម៖