ថៃ៖ គឺជាករណីមួយ ដែលបានបង្ហើបចេញពី នារីមិនស្គាល់មុខម្នាក់ បង្ហាញពីបទពិសោធការងារ ដូចជាឆ្កែឆ្មានៅផ្ទះតារាល្បីម្នាក់ ព្រមទាំងបានរៀបរាប់ ថាបានដេកសម្រាក តែ១ម៉ោង ស៊ីបាយចានតែមួយជាមួយឆ្កែ ខណៈសុំលាឈប់ក៏មិនឲ្យឈប់ បានធ្វើឲ្យវាបានក្លាយជាព័ត៌មានដ៏ភ្ញាក់ផ្អើល និងចង់ដឹងថាតើគឺជាតារាល្បីរូបណា ទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ដោយសារតែដំណឹងមួយ បានធ្វើឲ្យមានការសង្ស័យថា តារារូបនេះ អាចជា តារាស្រី Kwan Usamanee ដែរឬយ៉ាងណា ព្រោះកាលពីខែកក្កដា Kwan ទើបនឹងប្រកាសរកអ្នកចិញ្ចឹម និងមើលថែឆ្កែឆ្មា ដោយប្រាក់ខែគឺ ទៅតាមការព្រមព្រៀង។
ប៉ុន្តែ ខណៈដែលត្រូវបានគេសង្ស័យដល់ថ្នាក់នេះ តារាស្រី Kwan ក៏បានចេញមកទម្លាយឃ្លីប បង្ហាញនូវអ្វីដែលបានកើតឡើង ជាពិសេសរឿងដែលលើកឡើងថា ឲ្យឈ្នួល ដេកតែ១ម៉ោងនោះ គឺមិនមែនជាការពិតនោះទេ។ ហើយតាមរយៈឃ្លីបដែលបង្ហាញឡើង អាចមើលឃើញថា នៅវេលាម៉ោង ៨ និង៤០នាទីយប់ ភ្លើងនៅក្នុងផ្ទះត្រូវបានបិទទាំងស្រុង រួមទាំងបន្ទប់ដេករបស់ឆ្កែ ហើយឆ្កែទាំងអស់ ក៏កំពុងដេកលក់។ បន្ទាប់មកប្រហែលម៉ោង ១១យប់ ស្ត្រីមេផ្ទះក៏បានក្រោកឡើង រួចចូលផ្ទះបាយ ហើយក៏បានដេកនៅក្នុងបន្ទប់បរិភោគអាហារ រហូតដល់ឃ្លីបនេះចប់ប្រហែលម៉ោង៣ទៀបភ្លឺ តែស្ត្រីមេផ្ទះនោះ នៅតែដេកដដែល។
បន្ថែមពីនេះ Kwan បានលើកឡើងទៀតថា មានឆ្កែមួយ អាយុ២០ឆ្នាំ មានជំងឺចាស់ទ្រុឌទ្រោម មិនអាចដើរ ឈរ និងស៊ីដោយខ្លួនឯងបានទេ ដូច្នេះ នាងត្រូវជួលមនុស្សឲ្យមកមើលថែ ដែលមានស្ត្រីមេផ្ទះម្នាក់ បានមកដាក់ពាក្យការងារ ហើយបាននិយាយថា ខ្លួនពិតជាស្រឡាញ់ឆ្កែ និងសុំឱកាសសាកល្បងធ្វើការងារនោះ ហើយនាងក៏យល់ព្រម។ ម៉្យាងវិញទៀត ចំពោះរឿងបរិភោគម្ហូបចានតែមួយ ជាមួយនឹងឆ្កែនោះ តារាស្រី Kwan ក៏បានបញ្ជាក់ថា វាមិនមែនជាការពិតទេ និងបានរៀបរាប់ថា៖
Kwan គឺជាមនុស្សរបស់សាធារណៈជន។ ប៉ុន្តែកុំឆ្លៀតឱកាស បង្កើតរឿងខ្លួនអ្នកបែបនេះ។ យកពេលវេលាដើម្បីអភិវឌ្ឍខ្លួនឯងឱ្យកាន់តែប្រសើរឡើង មិនមែនសម្រាប់ការសប្បាយបង្កើតរឿងទេ ។ ព្យាយាមទាញពន្លឺ មកក្នុងខ្លួនឯងបែបនេះ អ្នកអាចជាឆ្លាត និងមានអនាគតល្អ ប្រសិនបើអ្នកប្រើវា តាមរបៀបត្រឹមត្រូវ។ ប៉ុន្តែកុំធ្វើឱ្យខ្លួនអ្នក ក្លាយជាប្រហោងខ្មៅបែបនេះ។ Kwan បានផ្តល់ចម្លើយច្បាស់លាស់ និងពិតប្រាកដតែម្តងនៅទីនេះ។
ប្រភព៖ Kapook
សូមទស្សនារូបភាពខាងក្រោម៖
Bong I.T