រាជធានីភ្នំពេញ ៖ ពិតណាស់ តារាចម្រៀងជាអតីតបេក្ខជន ឈានដល់វគ្គផ្តាច់ព្រ័តទាំង៤រូប ក្នុងការប្រកួត Cambodian Idol រដូវកាលទី៤ ដែលទើបនឹងបញ្ចប់កាលពីខែមុននេះ ផ្ទុះការគាំទ្រមិននឹកស្មានដល់ មិនតែប៉ុណ្ណោះ ក្រោយបញ្ចប់ការប្រឡង អ្នកទាំង៤ល្បីឈ្មោះព្រមៗគ្នាតែម្តង ម្នាក់ៗមានហាងឆេងទីផ្សារការងារមមាញឹកមិនចាញ់គ្នាឡើយ ដល់ថ្នាក់តារាចម្រៀង លីម តិចម៉េង មានការងារចេញច្រៀងស្ទើររាល់ថ្ងៃ តាំងពីពេលលើកពាន ល្បីថាធ្លាប់សន្លប់ពេលថតថែមទៀតផង ដោយសារគ្មានពេលសម្រាកគ្រប់គ្រាន់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្វីដែលគួរឲ្យកត់សម្គាល់នោះ រាល់ពេលបង្ហាញវត្តមានព្រមគ្នាម្តងៗ កម្មវិធីនោះតែងទទួលបានសម្លេងគាំទ្រយ៉ាងខ្លាំងក្លា ហ្វេនៗនាំគ្នាស្រែកហ៊ោស្ទើរបែកឆាកទៅហើយ ដោយសារតែអ្នកទាំង៤ស៊ីចង្វាក់គ្នាល្អ រហូតមានហ្វេនៗល្បីថាជា F4កម្ពុជាថែមទៀតផង។
តួយ៉ាង នេះត្រឹមតែជាការច្រៀងរួមគ្នាសោះ សម្លេងនៃការគាំទ្រខ្ទរខ្ទាម្លឹងៗ ស្រាប់តែពេលនេះ លេចឮថាអ្នកទាំង៤នឹងសម្តែងរឿងរួមគ្នាទៀតនោះ បណ្តាអ្នកគាំទ្រនាំគ្នារងចាំយ៉ាងអន្ទះសារ ក្រោយពេល អ្នកដឹកនាំរឿងល្បីឈ្មោះ លោក កៅ សីហា បានបង្ហើបថា រូបលោកកំពុងត្រៀមផលិតរឿងបែបសង្គមគ្រួសារ សម្រាប់ជ័យលាភីនិងបេក្ខភាព Cambodian Idol ទាំង៤រូប ដោយបញ្ជាក់ច្បាស់ៗថា ៖
ថ្ងៃនេះមានដំណឹងពិសេសពីរមកជម្រាបបងប្អូន! ទីមួយគឺដំណឹងល្អដល់ fans fans របស់ Cambodia idol Top4 ទាំងបួនរូប។ ហើយដំណឹងទីពីរ២ គឺសម្រាប់អ្នកនិយមតាមដានទស្សនា និងអ្នកគាំទ្រ រួមនឹងការលើកស្ទួយសង្គមផ្នែក ( LGBTQ )។សូមជម្រាបថាពេលេនះខ្ញុំកំពុងសម្រាកព្យាបាលជម្ងឺដ៏ធ្ងន់ធ្ងរដល់ទៅពីរប្រភេទ គឺ ឈាមស ស៊ី ឈាមក្រហម ហើយកង្វះប្រពន្ឋការពារឈាមក្រហមកម្រិតចុងក្រោយ។ ដូច្នេះកំឡុងពេលសម្រាកព្យាបាលនេះ ខ្ញុំយកពេលវេលា ដែលបានធូរស្រាលម្ដងតិចៗ សន្សឹមៗពីជម្ងឺកាចគ្រោះចង្រៃនេះ មករៀបចំ និងត្រៀមផលិតរឿងបែបសង្គមគ្រួសារ សម្រាប់ ជ័យលាភី និងបេក្ខភាព cambodia idol ទាំងបួនរូប សម្រាប់ចាក់ផ្សាយលើទូរទស្សន៍ហង្សមាស HDTV ក្នុងម៉ោងចាក់ផ្សាយប្រភេទរឿង សង្គមគ្រួសារ។ ដូច្នេះសូម fans fans របស់អ្នកទាំងបួន ត្រៀមចក្ខុកុំបីខាន! ជាមួយគ្នានេះ សម្រាប់អ្នកនិយមតាមដាន ប្រភេទរឿង BL GL ( LGBTQ ) ក៏ខ្ញុំបានត្រៀមរហូតដល់៣រឿង ដែលនឹងស្រង់ចេញពីតថភាពពិតនៃជីវិតពិតក្នុងសង្គម រួមនឹងការសម្រួលសាច់រឿង ពី MV ដែលខ្ញុំបានដឹកនាំសម្ដែងកាលពីជាង10ឆ្នាំ តាមរយៈបទ របស់អ្នកនាង SP Pich Sophea ដូចជា MV បទ ហេតុអ្វីស្រឡាញ់គេ និងបទ បារម្ភគេជាងសង្សារខ្លួនឯង ហើយនឹង MV របស់លោក Sapoun Mi Dada ក្រោមចំណងជើងថា បងធម៌។ ហើយរឿង ស្នេហាមួយនៅវិទ្យាល័យ ឬ High School love's Story ក៏នឹងត្រូវត្រៀមផលិតឡើងវិញផងដែរ។ ខ្ញុំបាទសូមរក្សាសិទ្ឋិ លើរូបភាពនៃសាច់រឿង MV ទាំងបីបទខាងលើនៃចំណងជើង ប្រសិនបើមានខាងផលិតកម្មណា ឬបុគ្គលណាយកមកចម្លង ឬច្នៃតិចតួចលើសាច់រឿងទាំងបី នឹងត្រូវប្រឈមជាមុខច្បាប់ជាដាច់ខាត។ ជួបគ្នាឆាប់ៗណាបងប្អូន ជូនពរឲ្យអ្នកដឹកនាំរឿងមួយនេះឆាប់បានសៈស្បើយបានតែ50%នៃសុខភាពពីមុន គឺចេញថតបានហើយ។ អរគុណបណ្ដាអ្នកគាំទ្រ កៅ សីហា គ្រប់ៗគ្នាពីចម្ងាយ
បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖
Bong I.T