អ្នកប្រដាល់ ប៊ូខាវ ហ្វឹកហាត់ លោតឆ័ត្រយោង ទាក់ជើងខ្លួនឯងជាមួយខ្សែ ធ្លាក់.ចុះ អូសប្រមាណជាង១០០ម៉ែត្រ

ថៃ៖ មហាជនដែលនិយម តាមដាននឹងទស្សនាកីឡាប្រដាល់ច្បាស់ជាស្គាល់យ៉ាងច្បាស់អំពីកិត្តិនាម របស់កីឡាករថៃមួយរូប គឺលោក ប៊ូ ខាវ ដែលជាកីឡាករនឹងជាគ្រូបន្វឹកថៃដែលមានកេរ្ដិ៍ល្បីល្បាញ ជាកីឡាករឆ្នើម នៅក្នុងប្រទេសថៃ ហើយថ្មីៗនេះ កីឡាករថៃរូបនោះទើតែមានរឿងអាស្រូវ ដោយសារលោកបានប្រមាថមើលងាយ ដល់កីឡាករគុនខ្មែរ ហើយលោកតែងតែឌឺដងថែមទៀតផង។

ដោយឡែក មានប្រភពមួយបានបង្ហាញវីដេអូ ដែលកីឡាករប្រដាល់ថៃរូបនោះ បានចូលរួមហ្វឹកហាត់លោតឆ័ត្រយោងខាងយុទ្ធសាស្រ្ដ នៅមូលដ្ឋានប្រតិបត្តិការណ៍ នៅក្នុងខេត្តលុងបុរី  ប៉ុន្ដែអ្វីដែលនឹកស្មានមិនដល់នោះគឺ លោកបានលោតឆ័ត្រយោងខុសបច្ចេកទេស ធ្វើឲ្យខ្សែព័ន្ធគ្នា ហើយបានទាក់ជើងខ្លួនឯងជាមួយខ្សែឆ័ត្រយោងនោះ ធ្លាក់ចុះមិនអូសលោកប្រមាណជាជាង១០០ម៉ែត្រ ដែលនេះជាហេតុដែលអាចប៉ះពាល់អាយុជីវិតផងដែល បើមិនចេះដោះស្រាយនោះ។

ជារួមមក លោក ប៊ូ​ ខាវ គឺពិតជាភ័យតក់ស្លុតជាខ្លាំងណាស់ហើយ តែត្រូវសំណាងល្អដែលលោកអាចដោះស្រាយបញ្ហាដ៏គ្រោះថ្នាក់មួយនោះបាន នៅក្នុងហេតុការមួយនោះ ពីព្រោះការលោតឆ័ត្រយោង គឺត្រូវលោតមកពីទីដែលខ្ពស់ និងមានសមត្ថភាព ភាពក្លាហាន ស្មារតីគ្រប់គ្រាន់ ហើយការដែលលោតខុសបច្ចេកទេសបែបនេះ គឺងាយនឹងជួបបញ្ហាជាច្រើន និងបានធ្វើឲ្យមានការភ្ញាក់ផ្អើលជាខ្លាំងដល់អ្នកដែលមហាជនផងដែល៕

សូមទស្សនារូបភាពខាងក្រោម៖