ក្នុងត្រីមាសទី១ រាងកាយម៉ាក់ៗប្រឈមនឹងការផ្លាស់ប្ដូរជាច្រើន។ ពិតណាស់ សញ្ញាដំបូងនៃការពពោះ គឺបាត់រដូវ ហើយរយៈពេលពីរបីសប្តាហ៍ក្រោយ ស្ត្រីពពោះអាចនឹងជួបប្រទះអាការៈដូចខាងក្រោមនេះ៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស- អស់កម្លាំង
- ចុកពោះ
- ក្អួត
- ប្រែប្រួលអារម្មណ៍
- ឈឺសុដន់
- ក្រហាយទ្រូង
- ឡើងទម្ងន់
- ឈឺក្បាល
- មានចំណង់អាហារជាក់លាក់
- ទល់លាមក។
អំឡុងត្រីមាសទី១ គភ៌មានការប្រែប្រួលដូចម្តេច?
ថ្ងៃដំបូងនៃការពពោះ ក៏ជាថ្ងៃចុងក្រោយនៃការមករដូវដែរ។ អំឡុងត្រីមាសទី១នេះ ទារកក្នុងផ្ទៃមានការលូតលាស់យ៉ាងឆាប់រហ័ស។ គភ៌ចាប់ផ្តើមមានខួរក្បាល និងខួរឆ្អឹងខ្នង ហើយសរីរាង្គផ្សេងៗនឹងចាប់ផ្តើមកកើតដូចគ្នា។ បេះដូងរបស់ទារកក្នុងផ្ទៃ ចាប់ផ្តើមលោតក្នុងអំឡុងត្រីមាសទី១។ ដៃ និងជើងចាប់ផ្តើមដុះចេញនៅប៉ុន្មានសប្តាហ៍ដំបូង ហើយនៅចុងបញ្ចប់នៃសប្តាហ៍ទី៨ ម្រាមដៃ និងម្រាមជើងចាប់ផ្តើមលូតលាស់។ នៅចុងបញ្ចប់នៃត្រីមាសទី១ ម៉ាក់ៗក៏អាចដឹងពីភេទរបស់កូនផងដែរ នេះបើយោងតាមគេហទំព័ររបស់ Office on Women’s health។ ដូច្នេះហើយ ដើម្បីឲ្យទារកក្នុងផ្ទៃមានសុខភាពល្អ និងលូតលាស់បានប្រសើរ ស្ត្រីពពោះគួរយល់ដឹងពីរឿងដែលគួរធ្វើ និងមិនគួរធ្វើនៅត្រីមាសដំបូង ដែលជាពេលវេលាដ៏សំខាន់បំផុតនៃការពពោះ។
តើរឿងអ្វីខ្លះដែលម៉ាក់ៗគួរ និងមិនគួរធ្វើនៅត្រីមាសដំបូង?
ប្រការគួរធ្វើនៅត្រីមាសដំបូង
- ញ៉ាំវីតាមីនរក្សាគភ៌
- ហាត់ប្រាណជាទៀងទាត់
- ញ៉ាំរបបអាហារដែលសម្បូរទៅដោយផ្លែឈើ បន្លែ និងជាតិសរសៃ
- ញ៉ាំទឹកឲ្យបានច្រើន។
ប្រការដែលគួរជៀសវាង
- ធ្វើលំហាត់ប្រាណខ្លាំងក្លា
- ជាតិអាកុល
- កាហ្វេអ៊ីន
- ត្រីឆៅ ឬគ្រឿងសមុទ្រ
- ទឹកដោះគោមិនបានរំងាប់មេរោគ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T