ហ្វេនហួសចិត្តគ្រប់គ្នា ក្រោយធ្លា-»យព័ត៌មានចចាមអារ៉ាមថា RM ស្រលាញ់គ្នាជាមួយ Karina មេក្រុម aespa

កូរ៉េខាងត្បូង៖ អ្នកគាំទ្របានសម្ដែងការហួសចិត្តជាខ្លាំង បន្ទាប់ពីបែកធ្លាយព័ត៌មានចចាមអារ៉ាម ថា RM មេក្រុម BTS បានណាត់ចួបគ្នាជាមួយ តារាចម្រៀងស្រីស្អាត Karina នៃក្រុម aespa ។

កាលពីថ្ងៃទី៦ខែវិច្ឆិកាកន្លងទៅនេះ មានគេសង្ស័យថា RM មានទំនាក់ទំនងបែបស្នេហាជាមួយ Karina ដែលត្រូវបានគេលើកយកមកជជែកជាហូរហែពេញបណ្ដាញសង្គមក៏ដូចជាអ៊ីនធើណេត។

អ្នកគាំទ្របានគិតដូច្នេះក៏ដោយសារ ទាំង RM និង Karina សុទ្ធតែស្រលាញ់ចូលចិត្ត និងជាអ្នកគាំទ្ររបស់ក្រុមតន្ត្រីរ៉ុក Se So Neon ដោយពួកគេទាំងពីរធ្លាប់បានបង្ហោះ Story នៅក្នុង Instagram ផងដែរ។

យ៉ាងណាមិញ RM ជាអ្នកគាំទ្ររបស់ Hwang So Yoon ជាសមាជិកម្នាក់នៅក្នុងក្រុមនេះហើយពួកគេក៏បានទៅចូលទស្សនាការប្រគុំតន្ត្រីរបស់ក្រុម Se So Neon នាថ្ងៃតែមួយផងដែរ។ ទាំង RM និង Karina បានបង្ហោះរូបភាពជាមួយអ្នកលេងបាស Park Hyun Jin ដែលជាសមាជិកម្នាក់នៅក្នុងក្រុមតន្ត្រីនេះ នៅកន្លែងតែមួយ ជាប់ផ្ទាំងរូបភាពខាងក្រោយតែមួយ ជ្រុងតែមួយដោយពួកគេបានបង្ហោះក្នុងគណនី Instagram រៀងៗខ្លួន ហើយភ័ស្តុតាងមួយផ្សេងទៀតគឺ RM បានទៅចូលរួមលើកទឹកចិត្ត Karina នៅ Peaches One Universe Festival កាលពីខែតុលាកន្លងទៅផងដែរ។

ដោយឡែក អ្នកគាំទ្រភាគច្រើនបានបញ្ចេញមតិថា វាជារឿងគួរឲ្យអស់សំណើចណាស់ដែលមានពាក្យចចាមអារ៉ាមបែបនេះ ហើយនិយាយថាវាជារឿងមិនពិតនោះឡើយ ព្រោះពួកគេគ្រាន់តែទៅមើលខនសឺតថ្ងៃតែមួយជាមួយគ្នា គឺមិនបានន័យថាពួកគេមានទំនាក់ទំនងស្នេហាជាមួយគ្នានោះឡើយ៕  

ប្រភព៖ allkpop