កំពុងមានរឿងផង Angelababy ស្រាប់តែបង្ហាញខ្លួន តាមរយៈ ការថតរូបបែបនេះទៅវិញ

កម្សាន្ត៖ ថ្មីៗនេះ ទស្សនាវដ្តីម៉ូដរបស់ប្រទេសសិង្ហបុរី Grazia ទើបតែបានប្រកាសថា Angelababy ជាមុខគម្របទស្សនាវដ្តីប្រចាំខែវិច្ឆិកា ដោយនៅលើ Instagram Grazia បានណែនាំពីតារាស្រីរូបនេះថា ជាតារាសម្តែង ម៉ូដែល ឈានមុខគេក្នុងពិភពម៉ូដចិន។

មិនត្រឹមតែប៉ុណ្ណោះ ការ​បង្ហាញ​ខ្លួន​របស់ តារាស្រី Angelababy ក្នុងការបង្ហាញ​ម៉ូដ​អន្តរជាតិ ​ទទួល​បាន​ការ​ចាប់​អារម្មណ៍​ជា​ពិសេស ​ពី​សាធារណជន​ចិន ដែលនេះ​ជា​សកម្មភាព​ដ៏​កម្រ​របស់​នាង​​ បន្ទាប់​ពី​ត្រូវ​បាន​ហាម​មិន​ឱ្យ​ចូល​រួម​ក្នុង​កម្មវិធីមួយចំនួន ហើយការបង្ហាញបែបនេះក៏អាចជួយឱ្យអ្នកគាំទ្ររបស់នាង មានទំនុកចិត្តខ្លះថា ការងារសិល្បៈរបស់នាងមិនត្រូវបានរំខានទាំងស្រុងទេ យ៉ាងហោចណាស់ ក៏នៅមានក្នុងទីផ្សារបរទេស ផងដែរ។

យ៉ាងណាមិញ នៅក្នុងប្រទេសចិន អាជីពរបស់ Angelababy កំពុងប្រឈមមុខនឹងការលំបាកជាច្រើន ខណៈដែលនាង​ត្រូវ​បាន​អាជ្ញាធរ​ដាក់​ពិន័យ បន្ទាប់​ពី​បាន​ទៅ​មើល តារាស្រី Lisa សម្ដែង​នៅ​ក្លឹប​មួយ​កន្លែង៕

ប្រភព៖ Kenh14

សូមទស្សនារូបភាពខាងក្រោម៖