Angelina Jolie និង​ អតីតស្វាមី ចូលរួមកម្មវិធីតែមួយមែន តែ អ្នករៀបចំ បានធ្វើរឿងមួយនេះ

បរទេស៖ ថ្មីៗនេះ តារាសម្ដែងស្រី Angelina Jolie និង Brad Pitt ត្រូវបានគេរាយការណ៍ថា នឹងទៅចូលរួមកម្មវិធីមហោស្រពភាពយន្តទីក្រុង Venice ប្រទេសអ៊ីតាលី ក្នុងសប្តាហ៍នេះ ដើម្បីផ្សព្វផ្សាយភាពយន្តថ្មីរបស់ពួកគេ ប៉ុន្តែអ្នករៀបចំ បានរៀបចំ ដើម្បីកុំឱ្យអតីតគូស្វាមីភរិយាមួយនេះ មានជ.ម្លោះនឹងគ្នា។

យោងតាម ​​ប្រភព Hola! បានឲ្យដឹងថា លោក Alberto Barbera ដែលជានាយកសិល្បៈនៃមហោស្រព បាននិយាយថា លោកបានកំណត់ពេលឲ្យ តារាទាំងពីររូបនេះ នឹងបង្ហាញខ្លួននៅថ្ងៃពីរផ្សេងគ្នា។ Angelina Jolie បានមកដល់ទីក្រុង Venice នៅដើមសប្តាហ៍ ហើយនឹងចូលរួមការបញ្ចាំងភាពយន្តរបស់នាងនៅថ្ងៃព្រហស្បតិ៍ ទី ២៩ ខែសីហា។ មិនត្រឹមតែប៉ុណ្ណោះ លោក Alberto Barbera បាននិយាយថា Brad នឹងមកដល់ទីក្រុង Venice នៅថ្ងៃសៅរ៍។ 

ជាមួយនឹងការបង្ហាញខ្លួនលើកនេះ Angelina Jolie បាន​បង្ហាញ​ខ្លួន​យ៉ាង​ស្រស់​ស្អាត​ ក្នុង​ឈុត​អាវដ៏​ប្រណិត​រួម​ជាមួយ​សំពត់​​ពណ៌​ខ្មៅ និង​ស្បែកជើង​កវែង​ស្បែក​ដ៏​ទាក់ទាញ រួមទាំងបង្ហាញស្នាម​ញញឹម ទៅកាន់អ្នកថតរូប៕

ប្រភព៖ Ngoisao.net

សូមទស្សនារូបភាពខាងក្រោម៖