បរទេស៖ អ្នកចាំទីដៃទី ១ របស់ក្រុមអ្នកមានបុណ្យ FC Barcelona កីឡាករ Marc-Andre ter Stegen អាចនឹងត្រូវអវត្តមានពីទីលានដាច់មួយរដូវកាលនេះតែម្តង ដោយសារតែគាត់បានរងរបួសជង្គង់ខាងស្តាំធ្ងន់ធ្ងរនៅក្នុងការប្រកួតទល់នឹងក្រុម Villarreal កាលពីយប់មិញនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ នៅក្នុងការប្រកួតសប្តាហ៍ទី ៦ នៃក្របខណ្ឌ La Liga កាលពីយប់មិញនេះ ត្រូវនឹងថ្ងៃទី ២២ ខែ កញ្ញា ឆ្នាំ ២០២៤ ក្រុម Barcelona បានទទួលជ័យជម្នះយ៉ាងធំធេងទៅលើក្រុម Villarreal ក្នុងលទ្ធផល ៥-១ ប៉ុន្តែអ្វីដែលជារឿងសោកស្តាយគឺប្រធានក្រុម Stegen បានរងរបួសជង្គង់ស្តាំធ្ងន់ធ្ងរ បន្ទាប់ពីប៉ះទង្គិចជាមួយកីឡាករ Villarreal នៅវគ្គទី ១ ហើយរូបគេក៏បានផ្លាស់ប្តូរចេញនៅពេលនោះភ្លាមៗផងដែរ។
យោងតាមការចុះផ្សាយដោយសារព័ត៌មាន ESPN បានឱ្យដឹងថា អ្នកចាំទីសញ្ជាតិ អាល្លឺម៉ង់ វ័យ ៣២ ឆ្នាំរូបនេះ អាចនឹងត្រូវអវត្តមានពីទីលានរហូតដល់ទៅ ៨ ខែឯណោះ ដែលនេះនឹងធ្វើឱ្យគាត់ត្រូវបាត់មុខដាច់ ១ រដូវកាលតែម្តង៕
ប្រភព៖ GOAL