មួយឈុតនេះ Rosé លេងស្ទាយ៍ឡើងឡូយ ចេញចង្កេះតែមួយក្ដាប់តូច

អាមេរិក៖ Rosé ដែលជាតារាចម្រៀងសំឡេងក្រអួនមួយគ្មានពីរ ប្រចាំក្រុមចម្រៀងនារី BLACKPINK តែងតែត្រូវអ្នកគាំទ្រចាប់អារម្មណ៍ពីសកម្មភាពប្រចាំថ្ងៃរបស់នាង មិនថាពេលនៅលើឆាក ឬក្រៅឆាកនោះឡើយ។

ថ្មីៗនេះ ក្រោយចូលផលិតកម្ម The Black Label រួចមក Rosé បានទម្លាយប្រាប់អ្នកគាំទ្រថានាងនឹងត្រៀមចេញអាល់ប៊ុមថ្មីមានចំណងជើងថា Rosie ទៀតផង។ ឥឡូវនេះ Rosé បានក្លាយជាប្រធានបទនៃការវែកញែកម្ដងទៀត បន្ទាប់ពីគេឃើញនាងនៅទីក្រុងញ៉ូវយ៉ក សហរដ្ឋអាមេរិក។

ក្នុងនោះ Rosé បានស្លៀកពាក់យ៉ាងឡូយឆាយចេញដើរនៅទីក្រុងញ៉ូវយ៉ក គឺពាក់អាវ Crop Top ពណ៌ស្វាយចាស់ ជាមួយនឹងសំពត់ខ្លីត្រឹមពាក់កណ្ដាលភ្លៅពណ៌ស និងអាវធំពណ៌ខ្មៅ គ្របពីលើ។ នាងក៏បានចងសក់ធម្មតាៗ និងពាក់វ៉ែនតាការពារកម្ដៅថ្ងៃផងដែរ។ អ្វីដែលគេចាប់អារម្មណ៍ខ្លាំងលើសពីការស្លៀកពាក់របស់នាងនោះ គឺ ចង្កេះដ៏តូច មើលទៅប៉ុនមួយក្ដាប់ដៃរបស់នាង និងជើងដ៏ស្រឡូន ដែលកាន់តែមើល កាន់តែទាក់ទាញ៕  

ប្រភព៖ koreaboo