អង់គ្លេស៖ អតីតកីឡាករក្លិប Manchester United លោក Dimitar Berbatov បានចុចឈ្មោះ Bruno Fernandes និង Kobbie Mainoo ជា កីឡាករក្នុងក្រុមបិសាចក្រហមបច្ចុប្បន្នដែលគាត់ចង់លេងជាមួយនៅលើទីលាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ បើយើងបកក្រោយបន្តិច គឺ Berbatov ក្នុងនាមជាខ្សែប្រយុទ្ធកណ្តាល បានចំណាយពេល ៤ឆ្នាំ នៅកីឡដ្ឋាន Old Trafford ពីចន្លោះឆ្នាំ ២០០៨-២០១២ ក្នុងនោះរូបគាត់បានបង្ហាញខ្លួនសរុប ១៤៩ប្រកួត រកបាន ៥៦គ្រាប់ Assists ២៦ដង និង ជួយក្រុមឈ្នះពានរង្វាន់ Premier League ២ដង League Cup ម្តង Club World Cup ម្តង, Community Shield ២ដង និង រងជើងឯក Champions League ២ដង។
យ៉ាងណាមិញ នៅពេលដែលគេសួរថា តើកីឡាករ Man UTD បច្ចុប្បន្នរូបណា ដែលគាត់ចង់លេងជាមួយ ភ្លាមៗ Berbatov បាននិយាយថា៖
ទីមួយ អ្នកអាចឆ្លើយដោយងាយ គឺ Bruno ព្រោះគាត់តែងតែបញ្ជូនបាល់ល្អៗដល់មិត្តរួមក្រុម។ ទីពីរ គឺ Mainoo ត្រង់ ទំនុកចិត្តរបស់គាត់ក្នុងការបញ្ជូនបាល់ឲ្យយើង គាត់ទើបតែមានវ័យ ១៩ឆ្នាំទេ ប៉ុន្តែ ភាពជឿជាក់របស់គាត់ដូចកីឡាករដែលមានវ័យ ៣០ឆ្នាំចឹង៕
ប្រភព៖ sportskeeda
Bong I.T