បរទេស៖ ខ្សែប្រយុទ្ធកំពុងឡើងជើងរបស់ Barcelona និងក្រុមជម្រើសជាតិ អេស្ប៉ាញ កីឡាករ Lamine Yamal បានទម្លាយថា Neymar Jr. ដែលជាខ្សែប្រយុទ្ធរបស់ Al-Hilal គឺជានិមិត្តរូបរបស់គេតាំងពីក្មេង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ការពិតណាស់ Yamal គឺជាកីឡាករវ័យក្មេង ដែលមានទេពកោសល្យខ្ពស់ម្នាក់ ជាមួយនឹងជំនាញនៃការញាក់បាល់នៅលើទីលានយ៉ាងប៉ិនប្រសព្វ ហើយបើយើងក្រឡេកមើលមួយភ្លែត ជំនាញញាក់បាល់ទាំងអស់នោះ គឺពិតជាស្រដៀងអតីតខ្សែប្រយុទ្ធរបស់ Barca កីឡាករ Neymar Jr. ខ្លាំងណាស់។
នៅក្នុងកិច្ចសម្ភាសន៍ជាមួយ La Liga TV ខ្សែប្រយុទ្ធវ័យ ១៧ ឆ្នាំរូបនេះ ត្រូវបានគេសួរនាំអំពីនិមិត្តរូបក្នុងដួងចិត្តរបស់គាត់ ហើយភ្លាមនោះ Yamal បានឆ្លើយតបទៅវិញយ៉ាងដូច្នេះថា៖
និមិត្តរូបកាលពីក្មេងរបស់ខ្ញុំ គឺជា Neymar។ ទោះបីជា Messi ជាកីឡាករដ៏អស្ចារ្យបំផុតក៏ដោយ ប៉ុន្តែរបៀបដែល Neymar លេង... វាពិតជាធ្វើឱ្យខ្ញុំស្រឡាញ់ខ្លាំងណាស់៕
ប្រភព៖ Sportbible
Bong I.T