កម្សាន្ត៖ តារាចម្រៀងស្រី Selena Gomez បានទាញយកចំណាប់អារម្មណ៍ ក្រោយពីបានចែករំលែកភាពផ្អែមល្ហែម នៅពេលដែលមិត្តប្រុសរបស់នាង ដែលជាតន្ត្រីករ លោក Benny Blanco ត្រូវបានទស្សនាវដ្តី People តែងតាំងជា «បុរសសហសម័យដែលសិចស៊ីបំផុតប្រចាំឆ្នាំ» ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
នៅលើ Instagram Story កាលពីថ្ងៃទី ១២ ខែវិច្ឆិកាកន្លងទៅ Selena បានបង្ហោះរូបថតរបស់គូស្នេហ៍ Benny Blanco នៅក្នុងអត្ថបទសរសើររបស់ទស្សនាវដ្តី People ។ តន្ត្រីករវ័យ ៣៦ ឆ្នាំរូបនេះត្រូវបានគេថតរូប ដេកលើតុជាមួយភីហ្សា និងស្រាសំប៉ាញនៅក្បែរខ្លួន។
ក្នុងនោះដែរ តារាចម្រៀងស្រី Selena បានសរសេរនៅខាងក្រោមរូបថតថា «មិនត្រឹមតែអ្នកស្រលាញ់ខ្ញុំដោយគ្មានលក្ខខណ្ឌនោះទេ ប៉ុន្តែអ្នកក៏តែងតែទិញភីហ្សាម៉ិកស៊ិកពី Taco Bell ឱ្យខ្ញុំផងដែរ» ។
យ៉ាងណាមិញ ទស្សនាវដ្ដី People បានចុះផ្សាយអត្ថបទមួយ ដែលលើកសរសើរមិត្តប្រុសរបស់ Selena Gomez ថា ជាបុរសសិចស៊ីបំផុតប្រចាំឆ្នាំ ដែលជាពានរង្វាន់ប្រចាំឆ្នាំ ដល់តារាប្រុសដែលមានរូបរាងទាក់ទាញ មានមន្តស្នេហ៍ និងឥទ្ធិពលវប្បធម៌៕
ប្រភព៖ Ngoisao.net
សូមទស្សនារូបភាពខាងក្រោម៖
Bong I.T