ចេញដើរទាំងមិនផាត់មុខ Jennie នៅតែស្អាតឆ្វាច

អាមេរិក៖ Jennie ដែលជាសមាជិកក្រុមចម្រៀងនារី BLACKPINK តែងតែទទួលបានការចាប់អារម្មណ៍េជាខ្លាំងពីសំណាក់អ្នកគាំទ្រ ព្រោះមិនថានាងដើរទៅណាមកណា ឬស្លៀកពាក់អ្វីក៏តែងតែត្រូវគេយកតម្រាប់តាមដែរ។

ជាក់ស្ដែង ថ្មីៗនេះកាលពីថ្ងៃទី១៥ខែវិច្ឆិកាកន្លងទៅ Jennie ត្រូវបានប្រទះឃើញនៅឯទីក្រុង Los Angeles រដ្ឋកាលីហ្វ័រញ៉ា សហរដ្ឋអាមេរិក ជាមួយនឹងនារីម្នាក់ ដោយពួកគេបានអង្គុយញ៉ាំអាហារជាមួយគ្នានៅភោជនីយដ្ឋានមួយ។

តាមរយៈវីដេអូដែលអ្នកគាំទ្របានបង្ហោះនោះ Jennie បានេះពាក់អាវពណ៌ស មានមួកឃ្លុបពណ៌ខ្មៅ ជាមួយនឹងផ្ទៃមុខគ្មានគ្រឿងសម្អាងនិងវ៉ែនតាបែប Bayonetta ដែលមើលទៅពិតជាសាមញ្ញខ្លាំង ប៉ុន្តែសម្រស់របស់នាងនៅតែលេចធ្លោនិងស្រស់ស្អាត រហូតអ្នកគាំទ្រសរសើរថា នាងពូកែថែរក្សាសម្រស់ផ្ទៃមុខ ទោះបីជាតារា KPOP មានកាលវិភាគរវល់យ៉ាងណាក៏ដោយ៕  

ប្រភព៖ koreaboo