អេស្ប៉ាញ៖ អតីតខ្សែប្រយុទ្ធក្លិប Real Madrid លោក Gareth Bale នៅតែជឿជាកថា Kylian Mbappe ជា កីឡាករដែលល្អជាងគេនៅលើលោកដដែលនាពេលបច្ចុប្បន្ន ទោះបីជារូបគេធ្វើមិនសូវបានល្អក៏ដោយមួយរយៈចុងក្រោយនេះ ជាពិសេសក្នុងការប្រកួតកាលពីយប់មិញទល់នឹង Liverpool។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ កាលពីយប់មិញនេះ នៃការប្រកួតពានរង្វាន់ Champions League គឺ Real Madrid បានប្រកួតចាញ់ Liverpool ដល់ទៅ ២ទល់នឹង០ ខណៈ ក្នុងនោះ Mbappe បានលេងជាជម្រើសដំបូង ប៉ុន្តែ គេហាក់ធ្វើមិនសូវបានល្អសោះ ថែមទាំងខកខានឱកាសទាត់បាល់ប៉េណាល់ទីទៀតផងដែរ។
យ៉ាងណាមិញ ទាក់ទងនឹងរឿងខាងលើ Bale បាននិយាយថា៖
ខ្ញុំធ្លាប់ខកខានទាត់ប៉េណាល់ទីមិនចូល គ្រប់គ្នាក៏ធ្លាប់ឆ្លងកាត់បែបនេះ។ វាជារឿងដ៏ស៊យដែលមួយរយៈចុងក្រោយនេះ គាត់ធ្វើមិនសូវបានអ្វីដែលគាត់បានប៉ង។ យ៉ាងណា ខ្ញុំនៅតែគិតថា គាត់ជាកីឡាករល្អជាងគេនៅលើលោកនាពេលបច្ចុប្បន្ន ហើយ គាត់ត្រូវការតែពេលវេលាបន្តិចទៀតប៉ុណ្ណោះ ដើម្បីវិលរកភាពល្អដូចគាត់ពីមុនវិញ៕
ប្រភព៖ metro
Bong I.T