អឺរ៉ុប៖ អតីតខ្សែបម្រើរបស់ Liverpool លោក Didi Haaman ជឿជាក់ថា Jude Bellingham គឺ ជាកីឡាករដែលរងគ្រោះធ្ងន់ជាងគេចាប់តាំងពី Kylian Mbappe មកដល់ Real Madrid។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ បើយើងបកក្រោយបន្តិចទៅកាន់រដូវកាលមុន ដែលជារដូវកាលដំបូងរបស់ Bellingham នៅ Real Madrid គឺ រូបគេពិតជាបង្ហាញការលេងបានលេចធ្លោមែនទែន ដោយរកបានដល់ទៅ ២៣គ្រាប់ និង Assists ១៣លើក ខណៈ នៅក្នុងរដូវកាលនេះ ក្រោយការមកដល់របស់ Mbappe ធ្វើឲ្យ Bellingham ហាក់ថមថយទាំងគ្រាប់បាល់ និង ទម្រង់លេងលើទីលានផងដែរ។
ក្នុងនោះទាក់ទងនឹងរឿងខាងលើ លោក Haaman បាននិយាយថា៖
Mbappe មិនបានជួយ Real Madrid ឲ្យរីកចម្រើនសោះ។ ខ្ញុំគិតថានៅក្នុងក្រុម Real Madrid មាន Super Star ច្រើននាក់ពេក ពួកគេចង់ល្បីដូចគ្នា និង មិនមានកីឡាករគ្រប់គ្រាន់ដើម្បីអាចធ្វើឲ្យមិត្តរួមក្រុមដទៃប្រសើរបាន។ Bellingham រងគ្រោះជាងគេចាប់តាំងពីការមកដល់របស់ Mbappe ព្រោះរដូវកាលមុន ភាគច្រើនគាត់លេងជាខ្សែប្រយុទ្ធកណ្តាល ប៉ុន្តែ ពេលនេះត្រូវធ្វើកិច្ចការជាច្រើន ពីព្រោះ Vinicius, Mbappe និង Rodrygo មិនចុះជួយការពារទាល់តែសោះ៕
ប្រភព៖ Sportskeeda
Bong I.T