ល្អអីល្អយ៉ាងនេះ! Rashford យប់មិញស៊ុត ២ គ្រាប់ល្អដូចផ្កា រួមចំណែកជួយឲ្យ Man UTD លត់ Everton ៤-០(មានវីដេអូ)

បរទេស៖ នាយប់ថ្ងៃទី ០១ ខែ ធ្នូ ឆ្នាំ ២០២៤ ម្សិលមិញនេះ ក្រុមបិសាចក្រហម Manchester United បានបើកទ្វាកីឡដ្ឋាន Old Trafford របស់ខ្លួន ទទួលស្វាគមន៍ក្រុមភ្ញៀវ Everton នៅក្នុងការប្រកួតសប្តាហ៍ទី ១៣ នៃក្របខណ្ឌ Premier League របស់ អង់គ្លេស។

ជាការពិតណាស់ នៅក្នុងការប្រកួតខាងលើ ខាងក្រុមម្ចាស់ផ្ទះ Man UTD ពិតជាធ្វើបានល្អមែនទែន ដោយបញ្ចប់ការប្រកួត ៩០ នាទីពេញ ពួកគេបានយកឈ្នះលើក្រុមស្ករគ្រាប់ Everton ក្នុងលទ្ធផលយ៉ាងចាស់ដៃ ៤ ទល់នឹង ០។

ក្នុងនោះ ៤ គ្រាប់របស់ Man UTD គឺរកបានដោយ Marcus Rashford ២ គ្រាប់ នៅនាទីទី ៣៤ និង ៤៦ និង ២ គ្រាប់ទៀត រកបានដោយខ្សែប្រយុទ្ធ Joshua Zirkzee នៅនាទីទី ៤១ និង ៦៤។

គួរបញ្ជាក់ថា ក្រោយជ័យជម្នះយប់មិញនេះ បានធ្វើឱ្យ Man UTD ហក់ឡើងមកឈរនៅលេខរៀងទី ៩ នៃក្របខណ្ឌ Premier League វិញ ក្រោយឆ្លងកាត់ ១៣ ប្រកួតកន្លងមក ពួកគេឈ្នះ ៥ ស្មើ ៤ និងចាញ់ ៤ មាន ១៩ ពិន្ទុ ចំណែកក្រុម Everton វិញ កំពុងឈរនៅលេខរៀងទី ១៥ ក្រោយឆ្លងកាត់ ១៣ ប្រកួតដូចគ្នា ពួកគេមាន ១១ ពិន្ទុក្នុងដៃ។

សូមទស្សនាវីដេអូខាងក្រោម៖