អស់ទាស់! Bellingham បញ្ជូនកោងឱ្យ Mbappe ស៊ុតមួយជើងពីលើដំបូងទូកអ៊េមហួស ខណៈ R.Madrid លត់ Getafe ២-០(មានវីដេអូ)

បរទេស៖ នាយប់ថ្ងៃទី ០១ ខែ ធ្នូ ឆ្នាំ ២០២៤ ម្សិលមិញនេះ ក្រុមអធិរាជស Real Madrid បានបើកទ្វាកីឡដ្ឋាន Santiago Bernabeu របស់ខ្លួន ទទួលស្វាគមន៍ក្រុមភ្ញៀវ Getafe នៅក្នុងការប្រកួតសប្តាហ៍ទី ១៥ នៃក្របខណ្ឌ La Liga របស់ អេស្ប៉ាញ។

ជាការពិតណាស់ នៅក្នុងការប្រកួតខាងលើ ខាងក្រុមម្ចាស់ផ្ទះ Real Madrid ពិតជាធ្វើបានល្អមែនទែន ដោយបញ្ចប់ការប្រកួត ៩០ នាទីពេញ ពួកគេបានទទួលជ័យជម្នះទៅលើក្រុម Getafe ក្នុងលទ្ធផល ២ ទល់នឹង ០។

ក្នុងនោះ ២ គ្រាប់របស់ Real Madrid គឺរកបានដោយ Jude Bellingham នៅនាទីទី ៣០ (P) និង Kylian Mbappe នៅនាទីទី ៣៨។

គួរបញ្ជាក់ថា R.Madrid បច្ចុប្បន្នកំពុងឈរនៅលេខរៀងទី ២ ក្នុងតារាងចំណាត់ថ្នាក់ La Liga ក្រោយឆ្លងកាត់ ១៤ ប្រកួតកន្លងមក ពួកគេឈ្នះ ១០ ស្មើ ៣ និងចាញ់ ១ មាន ៣៣ ពិន្ទុ ដោយឡែកក្រុម Getafe វិញ កំពុងឈរនៅលេខរៀងទី ១៧ ក្រោយឆ្លងកាត់ ១៥ ប្រកួត ពួកគេឈ្នះ ២ ស្មើ ៧ និងចាញ់ ៦ មាន ១៣ ពិន្ទុក្នុងដៃ។

សូមទស្សនាវីដេអូខាងក្រោម៖