កាន់តែល្អទៅៗហើយ! Raphinha យប់មិញទាញផុតអ្នកចាំទីស៊ុតមួយជើងស្តាំអ៊េមហួស ខណៈ Barca លត់ Valencia ៧-១(មានវីដេអូ)

បរទេស៖ នាយប់រំលងអាធ្រាត្រឈានចូលថ្ងៃទី ២៧ ខែ មករា ឆ្នាំ ២០២៥ ក្រុមអ្នកមានបុណ្យ FC Barcelona បានបើកទ្វាកីឡដ្ឋាន Estadi Olimpic Lluis Companys របស់ខ្លួន ទទួលស្វាគមន៍ក្រុមភ្ញៀវ Valencia នៅក្នុងការប្រកួតសប្តាហ៍ទី ២១ នៃក្របខណ្ឌ La Liga របស់ អេស្ប៉ាញ។

ជាការពិតណាស់ នៅក្នុងការប្រកួតនោះ ខាងក្រុមម្ចាស់ផ្ទះ Barcelona ពិតជាធ្វើបានល្អមែនទែន ដោយបញ្ចប់ការប្រកួត ៩០ នាទីពេញ ពួកគេបានទទួលជ័យជម្នះទៅលើក្រុម Espanyol ក្នុងលទ្ធផលយ៉ាងចាស់ដៃ ៧ ទល់នឹង ១។

ក្នុងនោះ ៧ គ្រាប់របស់ Barca គឺរកបានដោយ Frenkie de Jong នៅនាទីទី ៣, Ferran Torres នៅនាទីទី ៨, Raphinha នៅនាទីទី ១៤, Fermin Lopez រកបាន ២ គ្រាប់នៅនាទីទី ២៤ និង ៤៥+៤, Robert Lewandowski នៅនាទីទី ៦៦ និងគ្រាប់ចុងក្រោយកើតឡើងតាមរយៈការភ្លាត់ធ្វើឱ្យចូលទីខ្លួនឯង ដោយកីឡាករ Cesar Tarrega របស់ Valencia នៅនាទីទី ៧៥។ ចំណែក ១ គ្រាប់របស់ក្រុមប្រចៀវខ្មៅវិញ គឺរកបានដោយកីឡាករ Hugo Duro នៅនាទីទី ៥៩។

គួរបញ្ជាក់ថា Barcelona បច្ចុប្បន្នកំពុងឈរនៅលេខរៀងទី ៣ ក្នុងតារាងចំណាត់ថ្នាក់ La Liga ដដែល ក្រោយឆ្លងកាត់ ២១ ប្រកួត ពួកគេឈ្នះ ១៣ ស្មើ ៣ និងចាញ់ ៥ មាន ៤២ ពិន្ទុ រីឯក្រុម Valencia វិញ គឺកំពុងឈរនៅលេខរៀងទី ១៩ ក្រោយឆ្លងកាត់ ២១ ប្រកួតដូចគ្នា ពួកគេឈ្នះ ៣ ស្មើ ៧ និងចាញ់ ១១ មាន ១៦ ពិន្ទុ។

សូមទស្សនាវីដេអូខាងក្រោម៖