សំណាងណាស់! Gubgib ធ្វើឲ្យតួឯកស្រីមួយចំនួនច្រណែននឹងជីវិតនាង

ថៃ៖ តារាស្រីនាង Gubgib Sumonthip បានរៀបការនឹងតារាប្រុសលោក Bie kpn និងទទួលបានចំណងដៃកូនស្រីពីរដ៏គួរឲ្យស្រលាញ់ ឈ្មោះ Pao Pao និង Pao Pei ។

គួរបញ្ជាក់ផងដែរ Gubgib គឺជាតារាសម្តែងថៃស្រីមានឈ្មោះល្បីគួរសម តែនាងមិនដែលទទួលបានឱកាសដើរតួជាតួឯកស្រីនោះទេ ភាគច្រើនរឿងដែលនាងសម្តែងគឺនាងដើរតួជាតួដែលមានចរឹតបែបកំប្លែងៗ ឬជាតួធម្មតាៗប៉ុណ្ណោះ។  

តែបើក្រឡេកមកមើលពីជីវិតពិតរបស់នាងវិញ ខុសឆ្ងាយពីសាច់រឿង ដែលនាងធ្លាប់សម្តែងទាំងស្រុងតែម្តង គឺអាចនិយាយបានថានាងជាតារាស្រីដែលមានក្តីសុខបំផុតនៅក្នុងជីវិតពិត ព្រោះ Gubgib មានសំណាងបានស្វាមីរូបសង្ហាជាតារាសម្តែង និងជាអ្នកចម្រៀង កំពុងតែមានប្រជាប្រិយភាពខ្លាំងក្នុងប្រទេសថៃ និងប្រទេសចិន។  

ជាពិសេសក្រៅពីភាពល្បីល្បាញ និងរូបរាងសង្ហា លោក Bie kpn គឺជាស្វាមីដែលស្រលាញ់ថ្នាក់ថ្នមភរិយា និងកូនៗខ្លាំងណាស់ គេតែងតែឃើញ Bie បង្ហោះរូបភាពផ្អែមល្ហែមជាមួយនឹងភរិយា  និងកូនៗជាទីស្រលាញ់របស់លោកគ្រប់ពេលវេលា នេះជាមូលហេតុដែលគេគ្រប់គ្នានិយាយថា Gubgib មានជីវិតល្អ ខុសប្លែកពីក្នុងសាច់រឿង ដែលនាងធ្លាប់ដើរតួសម្តែង៕  

តោះ! មកទស្សនារូបភាពគ្រួសាររបស់នាងទាំងអស់គ្នា៖