តោះកុំឲ្យទំនេរដៃ! រៀនធ្វើ «ទឹកត្រីកោះកុង» ឲ្យមានរសជាតិឆ្ងាញ់ជាមួយគ្នា

ជិតដល់ថ្ងៃឈប់សម្រាកហើយ តោះចាំកាលទៀត រៀនធ្វើទឹកត្រីកោះកុងទាំងអស់គ្នា មិនបាច់ចំណាយប្រាក់ទិញគេទៀតទេ ហើយពេលធ្វើខ្លួនឯងចឹងធានាអនាម័យល្អម៉ង។ សំខាន់ពេលធ្វើម្ហូបបានឆ្ងាញ់អាចយកចិត្តប្ដីឬប្រពន្ធបានទៀត គ្រួសាររឹតតែមានសុភមង្គលម៉ង។

១. គ្រឿងផ្សំ

• ស្ករស
• ទឹកត្រី
• គល់ជីវ៉ាន់ស៊ុយ
• អំបិល
• ប៊ីចេង
• ខ្ទឹមស
• ម្ទេសជ្រក់
• ក្រូចឆ្មា

២. របៀបធ្វើ៖

• ដាក់គល់ជីវ៉ាន់ស៊ុយចូលត្បាលរួចធ្វើការបុកវាឲ្យរៀងម៉ត់បន្តិច
• បន្ទាប់មកដាក់ខ្ទឹមសចូល រួចបុកវាបន្តរហូតដល់ម៉ត់ តែកុំឲ្យម៉ត់ខ្លាំងពេកណា
• ចាក់អំបិល ស្ករស ប៊ីចេងចូល រួចធ្វើការបុកល្បាយនេះបញ្ចូលគ្នា​
• ដួសល្បាយខាងលើដាក់ចានទុកមួយអន្លើ
• ចាក់ម្ទេសជ្រក់ចូល រួចធ្វើការបុកៗឲ្យវាឡើងម៉ត់
• បន្ទាប់ពីម៉ត់ល្អហើយដួសវាដាក់ចូលចានរបស់ល្បាយដែលយើងដួសចេញមុននេះ 
• ចាក់ទឹកត្រី ក្រូចឆ្មា ចូលល្បាយរួចកូរឲ្យសព្វ 
• ភ្លក់យករស់ជាតិ ជូរ ប្រៃ ហឹរ ផ្អែម ជាការស្រេច៕