ចចាមអារ៉ាមអំពីការបម្លាស់ទីរបស់ខ្សែបម្រើអេស្ប៉ាញ Isco មកកាន់ Emirate Stadium បានត្រឹមក្លាយជាក្ដីស្រមៃ ពីព្រោះក្រុមប្រឹក្សាភិបាលរបស់ Arsnenal យល់ថា កម្សោយសុខភាពរាងកាយរបស់គេ គឺជាកត្តាដែលធ្វើឱ្យក្លិបនេះបដិសេធសំណូមពររបស់គ្រូបង្វឹក Mikel Arteta ។ ពួកគេបានបង្វែររ៉ាដាចង់បានរបស់គេមករកកីឡាករខ្សែប្រយុទ្ធ Pablo Dybala របស់ក្លិប Juventus ជំនួសវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកាលពីរដូវកាលមុន ខ្សែប្រយុទ្ធរូបនេះបានឈ្នះពានឯកត្តជន Most Valuable Player ឬ MVP ប្រចាំលីគកំពូល Serie A ប៉ុន្តែ គេមិនបានចុះកិច្ចសន្យាថ្មីជាមួយ Juve នៅឡើយទេ ដោយសារគេមិនសូវមានទំនាក់ទំនងល្អជាមួយកំពូលខ្សែប្រយុទ្ធ Christiano Ronaldo និងពុំសូវទទួលបានទំនុកចិត្តពីគ្រូបង្វឹក Andrea Pirlo ។
ដំណឹងអំពីការចង់បាន Dybala ជំនួស Isco បានបង្ខូចផែនការរបស់ប្រធានក្លិប Real Madrid ទាំងស្រុង ពីព្រោះ លោក Perez កំពុងរិះរកវិធីបញ្ចេញកីឡាករ Isco ចេញឱ្យបានឆាប់បំផុត ខណៈដែលកិច្ចសន្យារបស់គេ គឺនៅមានសុពលភាពដល់ឆ្នាំ២០២២ឯណោះ ម្យ៉ាងគេលែងទទួលបានទំនុកចិត្តពីគ្រូបង្វឹក Zidane ទៀតហើយ៕
ប្រភព៖ El Futbolero