ស្អាតទៀតហើយ! Min បង្ហាញសម្រស់យ៉ាងទាក់ទាញ លើកម្រាលព្រំក្រហម ក្នុងប្រទេសអ៊ីតាលី!

អ៊ីតាលី៖ មានឱកាសបង្ហាញមុខនៅក្នុងកម្មវិធីលំដាប់ម្តងទៀតហើយ សម្រាប់តារាសម្តែងស្រីរូបស្រស់ Min Pechaya តួឯកស្រីប្រចាំស្ថានីយទូរទស្សន៍ថៃប៉ុស្តិ៍លេខ៧។  

ជាក់ស្តែង នៅថ្ងៃទី៣១ ខែសីហា នេះ Min បានបង្ហាញខ្លួនក្នុងនាមជាភ្ញៀវកិត្តិយស នៅក្នុងកម្មវិធី Venice Film Festival 2019 ដែលបានប្រារព្ធឡើងក្នុងប្រទេសអ៊ីតាលី និងមានតារាល្បីៗជុំវិញពិភពលោកជាច្រើនចូលរួម។

ទៀតសោត គេសង្កេតឃើញថា Min តែងខ្លួនស្រស់ស្អាតខ្លាំង ជាមួយរ៉ូបរឹបរាងវែងពណ៌បៃតង ដោយមានរំលេចពណ៌ភ្លឺផ្លេក ជាពិសេស មានស្បៃវែងបន្ថែមពីក្រោយ កាន់តែធ្វើឲ្យមានភាពលេចធ្លោថែមមួយកម្រិតទៀត។

ម្យ៉ាងវិញទៀត ការដើរលើកម្រាលព្រំក្រហមលើកនេះ មើលទៅ Min ហាក់ដូចជាមានភាពជឿជាក់ខ្លាំង និងកាច់រាងនៅមុខកាមេរ៉ាបានយ៉ាងឡូយ ធ្វើឲ្យគ្រប់រូបដែលថតបានសុទ្ធតែស្អាតៗទាំងអស់៕

ចង់ជ្រាបច្បាស់ទស្សនារូបភាពខាងក្រោម៖