វិធីងាយៗ រៀនធ្វើបង្អែមផ្លែមាន ដែលមានរសជាតិ ដូចមានកំប៉ុងដែលគេលក់

អាហារ៖ ផ្លែមាន ជាផ្លែឈើដែលគេតែងតែចូលចិត្ត វាមានរសជាតិផ្អែមស្រាប់ទៅហើយ ប៉ុន្ដែបើយើងយកផ្លែមានមកធ្វើជាបង្អែមមួយនេះ វានឹងក្លាយទៅជាបង្អែមមួយដែលមានទាំងរសជាតិនិងក្លិនគួរឲ្យចង់ទទួលទាន។ ដូចនេះ អ្នកអាចរៀនធ្វើ បង្អែមផ្លែមាន តាមវិធីខាងក្រោម៖

គ្រឿងផ្សំ៖

១. ផ្លែមាន ១គីឡូក្រាម

២. ស្ករ ដាក់ទៅតាមចំណូលចិត្ត

៣. ស្លឹកតយ ៣សន្លឹក

របៀបធ្វើ៖

១. មុនដំបូងយកផ្លែមានមកបកសំបកចេញ ហើយលាងទឹកឲ្យស្អាត។ 

២. ដាក់ដាំទឹកប្រហែលកន្លះឆ្នាំង ទុកវាឲ្យពុះ បន្ទាប់មកដាក់ស្លឹកតយចូល ហើយដាក់ស្ករស កូរវាឲ្យរលាយសិនចាំដាក់ផ្លែមានទាំងអស់ចូល។

៣.​ បន្ទាប់មកទុកឲ្យវាពុះម្ដងទៀត រួចបិទភ្លើង ហើយរងចាំឲ្យវាត្រជាក់ ឬ យកទៅដាក់ក្នុងទូទឹកកកសិនក៏បាន។ ពេលដួស បង្អែមផ្លែមាន ពិសាររសជាតិសាច់មៀនដូចសាច់មានកំប៉ុងអញ្ចឹងដែរ ៕

ប្រភពពី៖​ Vorleak Sokha