អត់ខ្ចីរវល់រឿងសារបែកធ្លាយ មាស នីតា បែរបង្ហោះរូបមួយសន្លឹកនេះវិញ

រាជធានីភ្នំពេញ ៖ ផ្ទុះការភ្ញាក់ផ្អើលកាលពីម្សិលមិញនេះ ក្រោយបែកធ្លាយសារសម្លេងពាក្យមិនគួរឲ្យជឿពីមាត់របស់ អតីតបេក្ខភាព Cambodian Idol រដូវកាលទី៤ និងជាតារាចម្រៀងល្បីបទCover «ផ្លូវណាទៅផ្ទះម៉ែក្មេក» កញ្ញា មាស នីតា ទៅកាន់តារាស្រី សេង សុខឃីម បន្ទាប់ពីមានវីដេអូតារាកំប្លែង នាយចឺម ថើបថ្ពល់ខ្លួនក្នុងកម្មពិធីខួបកំណើតមួយកន្លែង ត្រូវបានចែកលែកលើបណ្តាញសង្គមព្រោងព្រាត។

តួយ៉ាង មហាជននាំគ្នារងចាំការវែកញែកពីតារាស្រី មាស នីតា ជាខ្លាំង ថាតើរឿងរ៉ាវនេះជារឿងពិតឬក៏យ៉ាងណា ប៉ុន្តែក្រឡេកទៅតារាស្រីរូបនេះ បែរជារក្សាភាពស្ងប់ស្ងាត់តាំងពីបែកធ្លាយវីដេអូស្និទស្នាលនឹង នាយចឺម តាំងពីដំបូងមកម្លេះ។

ជាក់ស្តែង មិនរវល់នឹងរឿងបកស្រាយអ្វីនោះ សុខៗស្រាប់តែ តារាស្រីរូបស្រស់ មាស នីតា បង្ហោះរូបភាពស្វីតជាមួយនឹងតារាចម្រៀង ទុំ សុវត្ថិ ដែលធ្លាប់ជាបេក្ខភាពមានឈ្មោះបោះសម្លេងក្នុងការប្រកួតចម្រៀង Cambodian Idol រដូវកាលជាមួយគ្នានោះ ភ្ជាប់ជាមួយសារថា «កែវភ្នែក» ដែលធ្វើឲ្យហ្វេនៗសង្ស័យថា រូបនាងកំពុងបដិសេធរឿងមានស្នេហាជាមួយ នាយចឺម និងចង់បញ្ជាក់ច្បាស់ៗថា ខ្លួនកំពុងមានទំនាក់ទំនងនឹងតារាចម្រៀងមុខមាត់សុភាពម្នាក់នេះទៅវិញ៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖