គូរមិនព្រាត់ បែកគ្នា៣ដង ពេលនេះ​សង្សារ បេនីយ៉ាំង​ សុំត្រូវគ្នា ដើម្បីសាងគ្រួសារ

កម្សាន្ដ៖ មហាជនភាគច្រើន ពិតជាបានស្គាល់នូវ អ្នកលក់ផលិតផលអនឡាញស្រី ល្បីឈ្មោះម្នាក់នៅក្នុងបណ្ដាញសង្គម គឺអ្នកនាង BanneYang ដែលសព្វថ្ងៃនេះ នាងទទួលបានភាពជោគជ័យខ្លាំង នៅក្នុងមុខជំនួញរបស់នាងផងដែល។ ចំណែកឯ រូបសម្រស់របស់នាងវិញ គឺពិតជាស្រស់ស្អាត ពណ៌សម្បុរស្បែកសខ្ចីដូចបណ្ដូលចេក និងរស់នៅជាមួយជីវភាពមានបាន ស្ដុកស្តម្ភជាដើម។

ដោយឡែក កាលពីម្សិលមិញនេះ បានឃើញនាងបង្ហោះនូវវីដេអូ ប្រកបដោយក្ដីស្រឡាញ់​ ផ្អែមល្ហែម ជាមួយស្វាមីរបស់នាង។ ក្រោយបង្កើតចំណងស្នេហា ​រវាងពួកគេពីរនាក់នេះ ពួកគេទទួលបានកូនប្រុស​ គួរឲ្យស្រឡាញ់ម្នាក់ ជាចំណងដៃស្នេហារបស់ពួកគេ ដែរខំសាងជាមួយគ្នាមក រហូត៨ឆ្នាំមកនេះ។

គួរបញ្ជាក់ផងដែលថា អ្នកនាង BanneYang ​ និងស្វាមីបានបែកបាក់គ្នារហូតដល់ទៅ៣ដងមកហើយក្នុងរយៈពេល៨ឆ្នាំមកនេះ ក៏មិនអាចបោះបង់គ្នាចោលបាន ដោយស្វាមីរបស់នាងនៅតែទុកនាងសំខាន់ និងស្រឡាញ់នាងជានិច្ច។

យ៉ាងណាមិញ ក្រោយឃើញវីដេអូដែលនាងបានបង្ហាញ ពីភាពផ្អែមល្ហែមរបស់ពួកគេរួចមក ក៏មានអ្នកលេងបណ្ដាញសង្គមជាច្រើន បានចូលរួមផ្ដល់មតិ និងចូលរួមសម្ដែងសេចក្ដីត្រេកអរ រំភើបនឹងសប្បាយចិត្ត ក្រោយបានឃើញស្វាមីភរិយាមួយគូនេះ ត្រូវរ៉ូវគ្នាវិញ និងបានជូនពរពួកគេទាំងពីរ ឲ្យស្រឡាញ់គ្នាជារៀងរហូតដល់ចាស់កោងខ្នង​​​​៕

សូមទស្សនារូបភាពខាងក្រោម៖