ប្រជាជនឥណ្ឌូនេស៊ីរាប់ម៉ឺនាក់ នាំគ្នាចូលរួមដង្ហែ អបអរក្រុមកីឡាករ ឈ្នះមេដាយមាស ពេញទីក្រុងហ្សាកាតា

បរទេស៖ ដូចដែលមហាជន អ្នកគាំទ្រវិស័យកីឡា បានដឹងរួចមកហើយថា ក្នុងរយៈពេលជាងកន្លះខែ នៃព្រឹត្តិការណ៍ប្រកួតកីឡាស៊ីហ្គេមលើកទី៣២ ដែលកម្ពុជា ធ្វើជាម្ចាស់ផ្ទះនេះ ដោយគិតត្រឹមបញ្ចប់ការប្រកួត កីឡាស៊ីហ្គេម២០២៣ នៅថ្ងៃទី១៦ ខែឧសភា​ ឆ្នាំ២០២៣ ឃើញថា ប្រទេសឥណ្ឌូនេស៊ី ឈរនៅលំដាប់ប្រទេសទី៣ ដោយទទួលបានមេដាយច្រើនគ្រឿង យកទៅជូនមាតុប្រទេសរបស់ខ្លួន ដែលដណ្ដើមបានមេដាយសរុបទាំងអស់ ២៧៦គ្រឿង មេដាយមាស៨៧ គ្រឿង មេដាយប្រាក់៨០ គ្រឿង និងមេដាយសំរឹទ្ធ១០៩ គ្រឿង ក្នុងព្រឹត្តិការណ៍កីឡាអាស៊ីអាគ្នេយ៍លើកទី៣២នេះ។

ទន្ទឹម ជាមួយភាពជោគជ័យ ដ៏គាប់ប្រសើរនេះ ពេលត្រឡប់ទៅកាន់ ប្រទេសកំណើតរបស់គេវិញ ប្រតិភូកីឡា គ្រូបង្វឹក និងក្រុមជម្រើសជាតិកីឡាករបាល់ទាត់ របស់ឥណ្ឌូនេស៊ី ត្រូវបានប្រជាជនពួកគេ យ៉ាងច្រើនកុះករ​ រាប់ម៉ឺននាក់ បាននាំគ្នាចូលរួមដង្ហែ ពេញដងផ្លូវ នៃទីក្រុងហ្សាកាតា ដោយក្ដីរំភើប រីករាយយ៉ាងក្រៃលែង ដើម្បីអបអរសាទរ ជាមួយមោទកភាព ដល់ក្រុមកីឡាករទាំងអស់ ដែលបានតស៊ូ ខិតខំ ប្រឹងប្រែង ក្នុងការប្រកួតយ៉ាងស្វិតស្វាញ បើទោះបីជួបនៅបញ្ហាជាច្រើនប៉ុណ្ណា ក៏នៅតែខំយកឈ្នះដណ្ដើមបាន មេដាយមាសយកមកជូនជាតិ ឲ្យទាល់តែបានផងដែរ។

សូមទស្សនារូបភាពខាងក្រោម៖