វាសនាមើលមិនឃើញ G-Devith ធ្លាប់កម្សត់ មានលុយមិនដល់២ម៉ឺនរៀលផង ទៅញាំុការគេ

កម្សាន្ត៖ ប្រិយមិត្តច្បាស់ជាស្គាល់ច្បាស់ហើយថា លោក G-Devith គឺជាតារាចម្រៀងរ៉េបដែលមានឈ្មោះល្បីល្បាញ និងមានការពេញនិយមជាខ្លាំងក្នុងពេលបច្ចុប្បន្ននេះ។ លើសពីនោះ លោកក៏ជាតារាប្រុសម្នាក់ ដែលមានភាពហឺហា ស៊ីវីល័យ ជិះរថយន្ដ ទំនើបៗ និងប្រើសុទ្ធតែរបស់ប្រ៊េនថ្លៃៗ។

ជាមួយគ្នានេះ បើទោះបីជាសព្វថ្ងៃ G-Devith មានទ្រព្យសម្បត្តិស្ដុកស្ដម្ភ ចង់ទិញអ្វីក៏បានក៏ពិតមែន ប៉ុន្ដែលោកក៏មិនភ្លេចអតីតកាលដ៏កម្សត់កម្ររបស់ខ្លួននោះដែរ។ ក្រឡេកទៅមើលកាលជិត១០ឆ្នាំមុនវិញ តារាប្រុសរូបនេះ ធ្លាប់ជួបជីវិតជូរចត់ នៅក្នុងខ្លួនមិនមានលុយ សូម្បីតែ ២ម៉ឺនរៀល។

តាមរយៈការស៊ែររូបចាស់ GD បានទម្លាយប្រាប់ហ្វេនថា កាលនោះ លោកមានលុយតែ មួយមុឺនពីរពាន់រៀល ទៅសុីការពួកម៉ាក។ បកមកពេលនេះវិញ លោកបានប្រាប់ខ្លួនឯងថា ជីវិតឯងផ្លាស់ប្តូរច្រើនណាស់ ឯងត្រូវមានមោទភាព ដែលពាក្យនេះ ធ្វើឲ្យលោកនឹកទៅដល់កាលគ្រាកម្សត់កម្រ ដែលមិននឹកស្មានថាពេលនេះ ជីវិតលោកផ្លាស់ប្ដូរដូចយប់ហើយនឹងថ្ងៃ៕